دھاندلی کے مجرم دندناتے پھر رہے ہیں، کوئی سوموٹو نہیں لیا جارہا ، مولانا فضل الرحمان
لاہور(ڈیلی پاکستان آن لائن)پاکستان ڈیمو کریٹک موومنٹ (پی ڈی ایم) کے سربراہ مولانا فضل الرحمان نے کہا ہے کہ دھاندلی کے 2 بڑے مجرم آج بھی دندناتے پھر رہے ہیں، آج بھی ان مجرمان کےخلاف کوئی ازخودنوٹس نہیں لیاجارہا۔
اتحادی جماعتوں کےاجلاس کے بعد میڈیا سے گفتگو کرتے ہوئےفضل الرحمان کا کہنا تھا کہ پنجاب، خیبرپختونخوا الیکشن سےمتعلق کیس زیر سماعت ہے، اس کیس کے دوران 2 ججز نے مقدمے سے لاتعلقی کا اظہارکیا، چیف جسٹس بضد ہیں کیس کو ہر صورت سنناہے۔
انہوں نے کہا کہ 5رکنی بینچ اب 3 رکنی بینچ تک محدود ہو گیا ہے، ججز کے علیٰحدہ ہونے سے قوم ابہام کا شکار ہوئی، 2018ء کے الیکشن پر عدم اعتماد کیا گیا، اس وقت از خود نوٹس کیوں نہیں لیاگیا۔
