روس سلامتی کونسل کا صدر بن گیا، یوکرین کی شدید تنقید

کیف(ڈیلی پاکستان آن لائن) روس نے ایک ماہ کے لیے سلامتی کونسل کی صدارت سنبھال لی ہے جس پر یوکرین کی جانب سے شدید احتجاج کیا گیا ہے۔

یوکرین کا کہنا ہے کہ روس کا سلامتی کونسل کی صدارت سنبھالنا عالمی برادری کے منہ پر طمانچہ ہے۔

سوشل میڈیا پر  جاری بیان میں یوکرینی وزیر خارجہ دیمتری کولیبا کا کہنا تھا کہ روس کا سلامتی کونسل میں ہونا غیرقانونی ہے، یوکرینی وزیر خارجہ نے مطالبہ کیا کہ سلامتی کونسل کے ارکان صدارت کا غلط استعمال کرنے کی کسی بھی روسی کوشش کو ناکام بنائیں۔

خیال رہے کہ سلامتی کونسل کے 15ارکان باری باری ایک ماہ کیلئے سلامتی کونسل کی صدارت سنبھالتے ہیں، روس نے آخری بار صدارت فروری 2022 میں سنبھالی تھی اور اسی ماہ اس نے یوکرین پر حملہ کردیا تھا۔

پنجاب میں انتخابات کے حکم سے متعلق نظرثانی کی درخواست پر آج سماعت ہوگی