بھارت کے مختلف شہروں میں انتہا پسند ہندوؤں کے مساجد پر حملے
دہلی(ڈیلی پاکستان آن لائن) بھارت کے مختلف شہروں میں ہندوؤں کے مذہبی تہواررام نوامی کے موقع پر انتہا پسندوں کی جانب سےمساجد، قبرستان اور مسلمانوں کی املاک پرحملے کئے گئے۔
بھارتی میڈیا کے مطابق گجرات، مہاراشٹر، بہار کے علاقے نالاندا اور جمشید پور میں رام نوامی جلوس کے شرکاء مسلح ہو کر جان بوجھ کر افطار کے وقت مساجد کے سامنے رکتے، مسلم مخالف نعرے لگاتے، پتھراؤ کرتے رہے، جذبات بھڑکانے پر بھی ردِعمل نہ ملے تو مساجد پر چڑھ دوڑے اور پھر آگ لگا دی، جلوس کے شرکاء نے مساجد کو آگ لگائی، مسلمانوں کے کاروبار، گھروں، گاڑیوں اور قبرستانوں تک کو آگ لگائی گئی۔
صورتِ حال کے پیش نظر جمشید پور کی مرکزی جامع مسجد میں نمازِ تراویح ملتوی کردی گئی۔
