لیڈنگ ٹینس بال کرکٹ ٹورنامنٹ میں فرئنڈزالیون اور آئی ٹی سی الیون نے اپنے، اپنے میچز جیت لئے

لیڈنگ ٹینس بال کرکٹ ٹورنامنٹ میں فرئنڈزالیون اور آئی ٹی سی الیون نے اپنے، ...

  

اسلام آباد ۔ 31 جولائی (اے پی پی) لیڈنگ ٹینس بال کرکٹ ٹورنامنٹ میں فرئنڈز الیون اور آئی ٹی سی الیون نے اپنے، اپنے میچز جیت لئے۔ علامہ اقبال اوپن یونیورسٹی کرکٹ گراؤنڈ میں کھیلے گئے پہلے میچ میں فرئنڈز الیون نے میلنگ الیون کو 29 رنز سے ہر ادیا، ٹاس جیت کر پہلے بیٹنگ کرتے ہوئے فرئنڈز الیون نے مقررہ سات اوورز میں ایک وکٹ کے نقصان پر 82 رنز بنائے، مرتضی نے پانچ چھکوں اور ایک چوکے کی مدد سے 54 رنز بنائے، میلنگ الیون کی طرف سے فدا نے29 رنز دے کر ایک وکٹ حاصل کی، جواب میں میلنگ الیو ن یہ ہدف پورا نہ کر سکی بلکہ اس نے چار وکٹوں کے نقصان پر 53 رنز بنائے، زعفران نے ایک چھکے اور ایک چوکے کی مدد سے 14 رنز بنائے، فرائنڈز الیون کی طرف سے ضیاء نے 10 رنز اور قیصر نے 10 رنز دے کر ایک، ایک وکٹ حاصل کی، فرائنڈز الیون کے قیصر کو مین آف دی میچ قرار دیا گیا۔

، دوسرے میچ میں آئی ٹی سی الیون نے ٹائیگرز الیون کو 10 رنز سے شکست دی، ٹاس جیت کر آئی ٹی سی الیون نے پہلے بیٹنگ کرتے ہوئے ہوئے مقررہ اوورز میں چار وکٹوں کے نقصان پر 84 رنز بنائے، سلیم نے تین چھکے اور ایک چھکے کی مدد سے 29 رنز اور صدام نے ایک چھکے کی مدد سے 9 رنز بنائے، ٹائیگرز الیون کی طرف سے ثقلین نے 25 رنز ، شرجیل نے 13 رنز اور قیصر نے 25 رنز دے کرایک، ایک کھلاڑی کو آؤٹ کیا، جواب میں ٹائیگرز الیون یہ ہدف مکمل نہ کر سکی بلکہ اس نے چار وکٹوں کے نقصان پر 74 رنز بنائے، اویس نے ایک چھکے اور ایک چوکے، بلال نے ایک چھکے اور ایک چوکے اور احسن نے دو چھکے اور ایک چوکے کی مدد سے 19 ،19 رنز بنائے، محمد مبشر نے 20 رنز دے کر تین کھلاڑیوں کو آؤٹ کیا، فرائنڈز کے محمد مبشر کو مین آف دی میچ قرار دیا گیا، امپائرز کے فرائض سید اظہر عباس شاہ، ملک ضمیر، محمد آصف، محمد ایاس اور سمیع اللہ نے انجام دیئے۔

مزید :

کھیل اور کھلاڑی -