12کمپنیوں کے افسران نیب میں پیش ،بیان ریکارڈ کروا دیا

12کمپنیوں کے افسران نیب میں پیش ،بیان ریکارڈ کروا دیا

لاہور (این این آئی)پنجاب کی 56کمپنیوں کے سکینڈل میں 12کمپنیوں کے افسران نے قومی احتساب بیورو ( نیب) میں پیش ہو کر بیان ریکارڈ کروا دیا۔ تفصیلات کے مطابق چیف جسٹس ثاقب نثار نے پنجاب کی 56کمپنیوں کے سکینڈل کا ازخود نوٹس لے رکھا ہے جس پر نیب کی جانب سے تمام کمپنیوں کے خلاف کاروائی جاری ہے اور ان کمپنیوں کے افسران کو ریکاڈ سمیت نیب کے دفتر میں طلب کیا گیا تھا ۔گزشتہ روز 12کمپنیوں کے افسران ریکاڈ سمیت نیب میں پیش ہوئے۔ جن میں پنجاب ہیلتھ انیشی ایٹو مینجمنٹ کمپنی ، بہاولپور ویسٹ مینجمنٹ کمپنی، لاہور ٹرانسپورٹ کمپنی سمیت فیصل آباد ، ملتان ، راولپنڈی اور گجرانوالہ ویسٹ مینجمنٹ کمپنیز کے افسران لاہور نیب میں پیش ہوئے۔ ان کے علاوہ چیف فائینینس آفیسر آف انفارسٹریکچر ڈویلپمنٹ پنجاب اور کمپنی سیکر ٹری نے بھی بیان قلمبند کروایا۔ چیف فنانس آفیسر پنجاب ریونیو اور کمپنی سیکرٹری ، پنجاب لینڈ ریکارڈ اور ساؤتھ فاریسٹ سمیت محکمہ ایس اینڈ جی اے ڈی کے افسران ریکاڈ سمیت نیب کے دفتر میں پیش ہو ئے اور بیان قلم بند کرایا۔

افسر ان نیب میں پیش

مزید : صفحہ اول


loading...