51فیصد امریکیوں نے ٹرمپ کونسل پسند قرار دیدیا، سروے  

51فیصد امریکیوں نے ٹرمپ کونسل پسند قرار دیدیا، سروے  

  

واشنگٹن(آئی این پی)امریکا میں کرائے گئے ایک سروے میں نصف سے زیادہ ووٹرز نے صدر ڈونلڈ ٹرمپ کو نسل پرست قرار دیا ہے۔ صدر ٹرمپ کا کہنا ہے کہ میری حکمت عملی نسل پرستانہ نہیں ہے بلکہ میں خود نفرت کا نشانہ بنا ہوں۔بین الاقوامی خبر رساں ادارے کے مطابق ایک امریکی یونیورسٹی کی جانب سے کرائے گئے سروے میں اکیاون فیصد ووٹروں نے کہا کہ صدر ٹرمپ نسل پرست ہیں، لیکن انچاس فیصد ووٹروں کی رائے اس کے برعکس تھی۔59 فیصد خواتین کی نظر میں ٹرمپ نسل پرست ہیں جبکہ 41 فیصد مردوں نے انہیں نسل پرست قرار دیا۔دوسری جانب صدر ٹرمپ نے میڈیا سے گفتگو میں کہا کہ افریقن امریکنز پر ان کی تنقید کے پیچھے کوئی نسل پرستانہ حکمت عملی نہیں ہے بلکہ ایک تقریب میں مجھے خود نفرت کا نشانہ بنایا گیا۔اس سے پہلے صدر ٹرمپ نے سیاہ فاموں کی اکثریت والے شہر بالٹی مور کو سڑی ہوئی گندگی کہہ کر مخاطب کیا تھا اور وہاں سے منتخب رکن عالی جاہ کمنگز کے خلاف نسل پرستانہ بیان دیا تھا۔اس بیان پر اسپیکر ایوان نمائندگان سمیت کئی رہنماوں نے صدر ٹرمپ پر شدید تنقید کی ہے۔

مزید :

علاقائی -