پٹرول، 5.15ڈیزل 5.65متی کا تیل 5.38روپے فی لٹر مہنگا، ایل پی جی کی قیمت میں ایک روپیہ 62پیسے فی کلو اضافہ 

  پٹرول، 5.15ڈیزل 5.65متی کا تیل 5.38روپے فی لٹر مہنگا، ایل پی جی کی قیمت میں ایک ...

  

اسلام آباد (سٹاف رپورٹر، مانیٹرنگ ڈیسک، نیوز ایجنسیاں)وزیراعظم عمران خان نے پیٹرولیم مصنوعات کی قیمتیں بڑھانے کی سمری منظور کرلی۔آئل اینڈ گیس ریگولیٹری اتھارٹی (اوگرا) کی سفارشات پر پیٹرولیم مصنوعات کی قیمتوں میں 8 روپے 90 پیسے تک کا اضافہ کر دیا گیا۔پیٹرول کی قیمت میں 5 روپے 15 پیسے فی لیٹر کا اضافہ کیا گیا جس کے بعد پیٹرول کی نئی قیمت 117.83 روپے فی لیٹر ہوگئی ہے۔ڈیزل کی قیمت 5 روپے 65 پیسے فی لیٹر اضافے کے بعد 132.47 روپے فی لیٹر جبکہ مٹی کے تیل کی قیمت 5 روپے 38 پیسے فی لیٹر اضافے کے بعد 103.84 روپے ہوگئی۔لائٹ ڈیزل آئل کی قیمت 8 روپے 90 پیسے فی لیٹر اضافے کے بعد 97.52 روپے فی لیٹر ہوگئی۔ پیٹرولیم مصنوعات کی نئی قیمتوں کا اطلاق رات 12 بجے سے ہوگیا۔دوسری طرف اوگرا نے  نے یکم اگست سے ایل پی جی کے گھریلو سلنڈر کی قیمت میں 19 روپے 11 پیسے اضافہ کر دیا ہے۔اوگرا کے نوٹیفکیشن کے مطابق جولائی کے لیے 11.8 کلو گرام کے گھریلو سلنڈر کی قیمت 1330 روپے 92 پیسے تھی جس میں 19 روپے 11 پیسے اضافے سے نئی قیمت 1350 روپے 3 پیسے مقرر کی گئی ہیجب کہ کمرشل سلنڈر 5194 روپے میں دستیاب ہوگا۔۔اوگرا نوٹیفکیشن میں بتایا گیا ہے کہ ایل پی جی کی فی کلو قیمت میں ایک روپے 62 پیسے اضافہ ہوا ہے اور فی کلو ایل پی جی کی قیمت 112 روپے 78 پیسے سے بڑھ کر 114 روپے 40 پیسے ہوگئی ہے۔

پٹرولیم مصنوعات

مزید :

صفحہ اول -