امریکی صدر جوبائیڈن نے پاکستانی نژاد خضر خان کو اہم عہدہ دیتے ہوئے بڑی ذمہ داری سونپ دی 

امریکی صدر جوبائیڈن نے پاکستانی نژاد خضر خان کو اہم عہدہ دیتے ہوئے بڑی ذمہ ...
امریکی صدر جوبائیڈن نے پاکستانی نژاد خضر خان کو اہم عہدہ دیتے ہوئے بڑی ذمہ داری سونپ دی 

  

 واشنگٹن(ڈیلی پاکستان آن لائن ) صدر جوبائیڈن نے پاکستانی نژاد خضر خان کو امریکی کمیشن برائے عالمی مذہبی آزادی کا سربراہ مقرر کردیا ہے ۔

نجی ٹی وی جیونیوز کی رپورٹ کے مطابق وائٹ ہاوس سے جاری بیان میں کہا گیا ہے کہ صدر جوبائیڈن نے مذہبی آزادی کے کمیشن کے لیے چار افراد کا انتخاب کیا ہے۔ امریکی صدر کمیشن کی ایسی انتظامیہ بنانے کے خواہش مند ہیں جو امریکا کی طرح تمام عقائد کے افراد کی نمائندگی کرتے ہوں۔بیان میں اعلان کیا گیا ہے کہ امریکی کمیشن آن انٹرنیشنل ریلیجیئس فریڈم کے کمشنر کے طور پر پاکستانی نژاد 71 سالہ وکیل خضر احمد کا انتخاب بھی کیا گیا ہے۔

خضر احمد کے صاحبزادے ہمایوں خان امریکی فوج میں کیپٹن تھے اور عراق میں تعیناتی کے دوران 2004 میں داعش جنگجووں کی فائرنگ سے ہلاک ہوگئے تھے۔سابق صدر ڈونلڈ ٹرمپ نے جب 2016 میں انتخابی مہم کے دوران امریکی مسلمانوں کو تنقید کا نشانہ بنایا تھا تو خضر احمد نے اپنی بیٹے کی قربانی یاد کراتے ہوئے اپنے بیان میں ٹرمپ کو شٹ اپ کال دی تھی۔

مزید :

بین الاقوامی -