پاکستانی سر زمین سے ورلڈ کلاس کھلاڑی سامنے آرہے، پونٹنگ

  پاکستانی سر زمین سے ورلڈ کلاس کھلاڑی سامنے آرہے، پونٹنگ

  

 سڈنی(این این آئی) آسٹریلوی کرکٹ ٹیم کے سابق کپتان رکی پونٹنگ نے ٹیسٹ چیمپئن شپ فائنل کی دوڑ سے پاکستان کو خارج کرنے سے گریز کیا ہے۔سابق آسٹریلوی کپتان رکی پونٹنگ نے کہا کہ پاکستان کو ابھی آئی سی سی ٹیسٹ چیمپئن شپ فائنل کی دوڑ سے باہر نہیں کہا جاسکتا، کرکٹرز کو ایک عرصے تک اپنے ہوم گراؤنڈز پر کھیلنے کا موقع نہیں ملا لیکن ان کا کھیل کیلئے جذبہ ماند نہیں پڑا، پاکستانی سرزمین سے مسلسل ورلڈ کلاس کھلاڑی سامنے آرہے ہیں۔سابق آسٹریلوی کپتان نے کہا جنوبی افریقہ ورلڈ ٹیسٹ چیمپئن شپ میں سرپرائز پیکیج ثابت ہوا، دوسرے نمبر پر موجود آسٹریلیا بھی فائنل کھیلنے کیلئے مضبوط امیدوار ہے مگر دورہ بھارت میں کھیلے جانے والے 4 ٹیسٹ میچز میں عمدہ کارکردگی کا مظاہرہ کرنا ہوگا۔ پاکستان، بھارت اور سری لنکا بھی حریفوں کو حیران کرتے ہوئے فیصلہ کن معرکے تک رسائی حاصل کرنے کی مکمل صلاحیت رکھتے ہیں۔

مزید :

کھیل اور کھلاڑی -