سگریٹ پینے والے افراد کیلئے ہلدی کے ناقابل یقین فوائد تحقیق میں سامنے آ گئے

سگریٹ پینے والے افراد کیلئے ہلدی کے ناقابل یقین فوائد تحقیق میں سامنے آ گئے
سگریٹ پینے والے افراد کیلئے ہلدی کے ناقابل یقین فوائد تحقیق میں سامنے آ گئے

  

نئی دلی (نیوز ڈیسک) تمباکو نوشی کے خوفناک اثرات سے محفوظ رہنے کا بہترین طریقہ تو یہی ہے کہ اس بری عادت کو مکمل طور پر ترک کردیا جائے لیکن اگر آپ اسے ترک نہیں کرسکتے تو اس کے مہلک اثرات میں نمایاں کمی کے لئے اپنی خوراک میں ہلدی کا استعمال ضرورکریں۔

ہلدی میں پایا جانے والا مادہ کرکیومن اینٹی آکسیڈنٹ، اینٹی میوٹاجن اور اینٹی کارسینو جن خصوصیات کا حامل ہے۔ بھارت کے نیشنل انسٹیٹیوٹ آف نیوٹریشن کے سائنسدانوں نے میوٹاجن پر ہلدی کے اثرات جاننے کے لئے ایک تحقیق کی۔ میوٹاجن وہ کیمیکل مادے ہیں جو جسم کے خلیات میں بگاڑ پیدا کرتے ہیں اور ان ابنارمل خلیات کی وجہ سے کینسر جیسی بیماریاں بھی پیدا ہوسکتی ہیں۔ اس تحقیق کے دوران تمباکو نوشی کے عادی 16افراد کو 30 دن تک روزانہ ڈیڑھ گرام ہلدی کی خوراک دی گئی۔

سائنسدانوں کا کہنا ہے کہ ایک ماہ کے بعد جب ان تمباکو نوشوں کے پیشاب کے نمونوں کا تجزیہ کیا گیا تو معلوم ہوا کہ ان میں میوٹاجن کی مقدار میں نمایاں کمی واقع ہوچکی تھی۔ ہلدی کی خوراک کا بلڈ گلوکوز اور کریٹانین سمیت دیگر کئی جسمانی مادوں پر کوئی منفی اثر نہ ہوا تھا۔ سائنسدانوں کا کہنا ہے کہ تحقیق کے نتائج ظاہر کرتے ہیں کہ ہلدی ایک کارگر اینٹی میوٹاجن ہے اور یہ کینسر کے علاج اور اس سے تحفظ کے لئے مفید ثابت ہوسکتی ہے۔

مزید :

تعلیم و صحت -