بھارتی ریاست تامل ناڈو کی فیکٹری میں دھماکہ، آگ بھڑکنے سے 15 مزدور ہلاک

بھارتی ریاست تامل ناڈو کی فیکٹری میں دھماکہ، آگ بھڑکنے سے 15 مزدور ہلاک

نئی دلی(مانیٹرنگ ڈیسک)بھارتی ریاست تامل ناڈو کی فیکٹری میں دھماکے کے نتیجے میں آگ بھڑک اٹھی جس کی زد میں آکر 15 مزدور ہلاک ہوگئے ہیں۔

بھارتی میڈیا کے مطابق جنوبی ریاست تامل ناڈو میں فیکٹری میں اچانک دھماکے کے بعد آگ بھڑک اٹھی جس نے دیکھتے ہی دیکھتے پوری عمارت کو اپنی لپیٹ میں لے لیا۔ آگ اتنی شدید تھی کہ تمام چیزیں جل کر خاکستر ہوگئیں اورفیکٹری میں کام کرنے والے 15 مزدور جل کر ہلاک ہوگئے۔

مقامی پولیس کے مطابق فیکٹری میں دھماکے کے بعد عمارت مکمل طور پر تباہ ہوگئی جس کے باعث فیکٹری میں موجود کسی بھی مزدور کے زندہ بچ جانے کا امکان بہت کم ہے جب کہ فیکٹری انتظامیہ کے مطابق دھماکے کے وقت فیکٹری میں 18 ملازمین کام کررہے تھے تاہم دھماکے کی وجوہات کا علم نہیں ہوسکا۔

مزید : بین الاقوامی

لائیو ٹی وی نشریات دیکھنے کے لیے ویب سائٹ پر ”لائیو ٹی وی “ کے آپشن یا یہاں کلک کریں۔


loading...