پاکستانی بلے باز پھر ناکام، ایڈ لیڈ ٹیسٹ میں فالو ان کا خدشہ 

پاکستانی بلے باز پھر ناکام، ایڈ لیڈ ٹیسٹ میں فالو ان کا خدشہ 

  



ایڈیلیڈ(آئی این پی)ایڈیلیڈ ٹیسٹ میں باؤلرز کے بعد بیٹسمنوں نے قوم کی  امیدوں پر پانی پھیر دیا‘ آسٹریلیا نے 3 وکٹ کے نقصان پر 589 رنز کا پہاڑ کھڑا کر دیا‘ ڈیوڈ وارنر کی ناقابل شکست ٹرپل سنچری‘مارنس لابوشین  نے بھی پنک بال سے 162 رنز کی اننگز کھیل کر وارنر کے ساتھ دوسری وکٹ کی شراکت میں 361 رنز کی ریکارڈ پارٹنر شپ قائم کر دی‘  دوسرے ٹیسٹ میچ میں ہی سٹیون سمتھ  نے ٹیسٹ کرکٹ میں تیز ترین 7 ہزار رنز بنانے کا ہدف حاصل کر لیا‘  پاکستان کی جانب سے شاہین شاہ آفریدی کی 3 وکٹیں‘ پاکستان کے ابتدائی بلے باز پھر ناکام ہو گئے‘  امام الحق 2‘ شان مسعود 19‘ اسد شفیق 9‘ افتخار احمد 10‘ کپتان اظہر علی 9 اور محمد رضوان کھاتہ بھی نہ کھول سکے‘ بابر اعظم 43 رنز پر کریز پر موجود ہیں  جبکہ پاکستان کی ٹیم کو فالو آن سے بچنے کیلئے مزید294 رنز درکار ہیں۔پاکستان اور آسٹریلیا کے درمیان دوسرے اور آخری ٹیسٹ کی پہلی اننگز میں آسٹریلیا نے 3وکٹوں کے نقصان پر 589رنز بنا کر اننگز ڈکلیئر کردی ہے۔ایڈیلیڈ میں کھیلے جانے والے دوسرے ٹیسٹ میچ میں دوسرے روز آسٹریلیا نے 302 رنز سے اپنی نامکمل اننگز کا آغاز کیا تو مارنس لابوشین  انفرادی سکور میں صرف دو رنز کے اضافے کے بعد شاہین شاہ آفریدی کی گیند پر بولڈ ہو گئے۔ڈیوڈ وارنر نے شاندار بلے بازی کا سلسلہ جاری رکھا اور اپنی ڈبل سنچری مکمل کی، سٹیو سمتھ مسلسل دوسرے مقابلے میں بھی ناکام رہے اور36رنز بنا کر شاہین آفریدی کا تیسرا شکار بن گئے، وارنر335رنز کے ساتھ ناٹ آؤٹ رہے اور کینگروز نے اپنی پہلی اننگز589رنز3کے نقصان پر ڈکلیئر کردی۔ڈیوڈ وارنر نے ریکارڈ اننگر کھیلتے ہوئے ٹرپل سنچری بنائی۔انہوں نے40چوکے لگا کر پاکستانی باولرز کے چھکے چھڑا دیئے۔وارنرکو شاہینوں کی کمزور فیلڈنگ نے ایک چانس بھی دیا جس کے بعد سے وہ  کسی باولر کے ہاتھ نہیں آئے۔۔پہلی اننگ میں گرین شرٹس کی جانب سے روایتی انداز میں مایوس کن آغاز ہوا ہے۔دوسرے روز 6کھلاڑی 96پویلین پہنچ چکے  ہیں۔وکٹیں گرانے کا کھاتہ اوپنر امام الحق کی وکٹ گرنے سے کھلا اس کے بعد اظہر علی نے واپسی کی راہ دیکھی جبکہ تیسرا نقصان شان مسعود کی صورت اٹھانا پڑا۔ امام الحق مچل سٹارک کی بال پر وارنر کے ہاتھوں، اظہر علی کیومنز کی گیند پر سمتھ کے ہاتھوں جبکہ شان مسعود ہیزلوڈ کی گیند پر پینے کے ہاتھوں کیچ آوٹ ہوئے۔‘  امام الحق 2‘ شان مسعود 19‘ کپتان اظہر علی اور اسد شفیق 9,9‘ افتخار احمد 10اور محمد رضوان کھاتہ بھی نہ کھول سکے‘ بابر اعظم 43 رنز پر کریز پر موجود‘پاکستان کی ٹیم کو فالو آن سے بچنے کیلئے مزید294 رنز درکار  ہیں۔ واضح رہے کہ پاکستان اور آسٹریلیا کے درمیان کھیلا جانیوالا دوسرا ٹیسٹ ڈے اینڈ نائٹ میچ ہے، جس میں 'پنک بال' استعمال کی جارہی ہے۔خیال رہے کہ محکمہ موسمیات کی جانب سے ایڈیلیڈ ٹیسٹ کے پانچوں دن بارش کا امکان ظاہر کیا گیا ہے۔اس سے قبل پاکستان نے آسٹریلیا کیخلاف ٹیسٹ سیریز کے آخری میچ کیلئے حارث سہیل، نسیم شاہ اور عمران خان جونیئر کو ڈراپ کرتے ہوئے 3 تبدیلیاں کی گئی ہیں جبکہ حریف ٹیم میں کوئی تبدیلی نہیں کی گئی۔قومی ٹیم میں حارث سہیل کی جگہ اوپننگ بلے باز امام الحق جبکہ محمد عباس اور محمد موسیٰ کو بھی ٹیم میں شامل کیا گیا۔دوسرے ٹیسٹ میچ میں قومی ٹیم میں شامل 19سالہ موسیٰ خان آسٹریلیا کیخلاف اپنا ڈیبیو کررہے ہیں۔خیال رہے کہ برسبین میں کھیلے گئے پہلے ٹیسٹ میچ میں پاکستان کی بیٹنگ اور باؤلنگ دونوں بدترین ناکامی سے دوچار ہوئیں اور آسٹریلیا نے میچ میں یکطرفہ مقابلے کے بعد اننگز اور 5 رنز سے شکست دے دی تھی۔اگر پاکستانی ٹیم ایڈیلیڈ میں بھی شکست سے دوچار ہوتی ہے تو یہ گرین شرٹس کو آسٹریلوی سرزمین پر لگاتار پانچواں کلین سوئپ ہوگا جہاں فتح تو دور پاکستانی ٹیم گزشتہ 20 سال میں کوئی ٹیسٹ میچ ڈرا بھی کرنے میں کامیاب نہ ہو سکے گی۔

مزید : کھیل اور کھلاڑی