مواخذہ کارروائی،کانگریس کے پینل  کی امریکی صدر کو ایک ہفتے کی مہلت

مواخذہ کارروائی،کانگریس کے پینل  کی امریکی صدر کو ایک ہفتے کی مہلت

  



واشنگٹن(آئی این پی) امریکی کانگریس کے پینل نے صدر ڈونلڈ ٹرمپ کوایک ہفتے کی مہلت دیتے ہوئے کہاہے ٹرمپ چھ دسمبر تک وکیل کی مواخذے کی کارروائی میں پیش ہونے کا فیصلہ کریں۔امریکی ڈیموکریٹک پارٹی کی جیوڈیشری کمیٹی نے دو صفحات پر مشتمل خط بھیج دیاجس میں کہا گیا ہے ان کا وکیل کمیٹی کے مواخذے کے طریقہ کار کے تحت پیش ہوں۔وائٹ ہاؤس نے تھینکس گیوِنگ پر صدر ڈونلڈ ٹرمپ کا دورہ افغانستان غیر عمومی طور پر خفیہ رکھا۔ اس کی وجہ لیکس کا خوف اور حالیہ کچھ عرصے میں سکیورٹی کی خامیوں جیسے متعدد امور تھے۔ مگر یہ دورہ کس طرح چھپایا گیا؟میڈیارپورٹس کے مطابق ٹرمپ انتظامیہ سے وابستہ ایک عہدیدار نے خبر رساں ادارے کو بتایا کہ جب ٹرمپ افغانستان کیلئے محو پرواز تھے، تو اس دوران بھی پہلے سے تیار کردہ ٹوئٹس کیے جاتے رہے تاکہ کسی کو اس دورے کا علم نہ ہو سکے۔ اس عہدیدار کے مطابق افغانستان کے دورے کو چھپانے کیلئے اس پر کئی طرح کی تہیں بچھا دی گئی تھیں۔وائٹ ہاؤس کے مطابق افغانستان ایک خطرناک جگہ ہے، جب کہ صدر ٹرمپ امریکی فوجیوں کا حوصلہ بڑھانے ان سے ملنا چاہتے تھے۔ اس لیے اس دورے کو خفیہ رکھا گیا۔امریکی حکام کے مطابق صدر ٹرمپ کے افغانستان روانگی کے وقت بھی چند چیدہ صحافیوں کو جوائنٹ بیس اینڈریو کی پارکنگ لاٹ تک لایا گیا تھا اور انہیں بتایا گیا تھا کہ صدر ٹرمپ ایک نامعلوم مقام کی جانب جا رہے ہیں۔

وائٹ ہاؤس 

ٹرمپ مہلت

مزید : صفحہ اول