پرویز مشرف نے نواز شریف سے جان چھڑائی وہ ہمارے محسن، فواد چوہدری

جہلم(مانیٹرنگ ڈیسک) وفاقی وزیر سائنس و ٹیکنالوجی فواد چوہدری نے کہا ہے سابق صدر پرویز مشرف ہمارے محسن ہیں۔جہلم میں تقریب سے خطاب میں وفاقی وزیر برائے سائنس و ٹیکنالوجی فواد چوہدری کا کہنا تھا پرویز مشرف نے 1999 میں نواز شریف سے ہماری جان چھڑائی تھی، وہ ہمارے محسن ہیں۔ پرویز مشرف طاقت میں تھے تو لوگ لائن لگا کر ان کا سگار سلگانے کھڑے ہوتے تھے۔ آرمی چیف کی توسیع پر تمام سیاسی جماعتوں میں اتفاق رائے ہے اور آئندہ سیشن میں آرمی چیف کی توسیع پر قانوں سازی مکمل ہوجائے گی۔سابق وزیر اعظم نواز شریف سے متعلق فواد چوہدری نے کہا کہ نواز شریف کی واپسی کی امید ان کے خاندان والوں کو بھی نہیں ہے۔قبل ازیں  وفاقی وزیر سائنس اینڈ ٹیکنالوجی فواد چوہدری نے کہا ہے کہ اس سال سائنس اور ٹیکنالوجی کے بجٹ میں 600 گنا اضافہ ہوا، آئندہ سال بجٹ میں ہزار گنا اضافے کی کوشش کروں گا۔تفصیلات کے مطابق وفاقی وزیر فواد چوہدری نے سماجی رابطے کی ویب سائٹ ٹویٹر پر اپنے پیغام میں کہا کہ وزیراعظم کی بھرپور سپورٹ سے پاکستان کو ریسرچ و ٹیکنالوجی میں واپس لائے۔فواد چوہدری نے کہا کہ چین کے بعد روس سے وزارتی کمیشن قائم ہو رہے ہیں، ہماری توجہ اب یورپی یونین اور امریکا پر ہے، ہم انجن نہیں بنا سکے جو ہماری ناکامی تھی، آئندہ 3 سال میں ہم سولر پینل اور لیتھیم بیٹری بنائیں گے، توانائی کا پورا نظام تبدیل ہو جائے گا۔وفاقی وزیر برائے سائنس اینڈ ٹیکنالوجی نے کہا کہ جہلم بائیو ٹیک پارک جنوبی ایشیا کا سب سے بڑا ہربل میڈیسن پارک ہوگا، جنوبی ایشیا میں بیٹری بسیں بنانے والا پہلا ملک بھی ہم ہوں گے۔انہوں نے اپنے پیغام میں مزید کہا کہ اس سال سائنس اور ٹیکنالوجی کے بجٹ میں 600 گنا اضافہ ہوا، آئندہ سال بجٹ میں ہزار گنا اضافے کی کوشش کروں گا۔یاد رہے کہ رواں سال اگست میں وفاقی وزیر برائے سائنس اینڈ ٹیکنالوجی فواد چوہدری نے سستا منرل واٹر متعارف کراتے ہوئے کہا تھا کہ ایک روپے فی لیٹر والا منرل واٹر ابتدائی طور پر سرکاری دفاتر میں فراہم کیا جائے گا، دوسرے مرحلے میں ملک بھر میں دستیاب ہوگا۔
فواد