نئے بھارتی آرمی چیف کی تقرری  کیلئے نریندرامودی کو 3نام پیش

  نئے بھارتی آرمی چیف کی تقرری  کیلئے نریندرامودی کو 3نام پیش

  



نئی دہلی(آن لائن)بھارت میں بھی وزیراعظم نریندر مودی جلد فوجی سربراہ اور فور سٹار چیف آف ڈیفینس اسٹاف مقرر کریں گے۔نریندر مودی کو نئے فوجی سربراہ کے لیے تین نام بھجوا دئیے گئے ہیں۔جنرل بپن راوت 31 دسمبر کو ریٹائر ہو رہے ہیں۔اور نئے آرمی چیف کے نام کا اعلان جنرل بپن راوت کی ریٹائرمنٹ سے دو ہفتے قبل کیا جانا ضروری ہے۔اس سے قبل مودی حکومت نے جنرل بپن راوت کو دو سال کے لئے بھارت کا پہلا چیف آف ڈیفنس اسٹاف مقرر کرنے کا فیصلہ کیا تھا۔ خیال رہے کہ چیف آف ڈیفنس اسٹاف کا عہدہ پہلی بار بھارتی فوج میں متعارف کروایا گیا ہے۔ بھارتی وزیراعظم نریندر مودی کی ہدایت پر محکمہ دفاع میں بنائی گئی اس نئی پوسٹ پر جنرل بپن راوت کی تعیناتی فور سٹار پوزیشن کی ہو گی اور وہ بھارتی فوج کو جدید ترین بنانے کے لئے اہم کردار ادا کریں گے۔ذرائع کے مطابق بھارتی کیبنٹ کمیٹی برائے سیکورٹی کو چیف آف ڈیفنس اسٹاف کی ذمہ داریوں کا تعین کرنے کا ٹاسک دیا گیا ہے۔اس کمیٹی کے سربراہ قومی سلامتی کے مشیر اجیت ڈوول ہوں گے۔ یاد رہے کہ بھارتی وزیراعظم نے جنرل راوت کو 31دسمبر 2106 کو دو سینئر جرنیلوں کی موجودگی میں ترقی دے کر آرمی چیف مقرر کیا تھا اور جنرل بپن راوت بھارتی وزیراعظم نریندر مودی کے فیورٹ شمار کئے جاتے ہیں لیکن اس کے باوجود بھارتی وزیراعظم نے ان کی مدت ملازمت میں توسیع کو خارج از امکان قرار دیتے ہوئے کہا ہے کہ تمام اعلی افسران کی مقررہ مدت پوری ہونے کے بعد فوری ریٹائرمنٹ ہی جمہوریت کا حقیقی حسن ہوتا ہے۔

بھارتی آرمی چیف

مزید : صفحہ اول