حکومت نے ملک میں آئین اور قانون کی عملداری کو یقینی بنانے کی کوشش کی
تحریک انصاف کے مرکزی رہنما صداقت عباسی نے کہا ہے کہ حکومت نے کہیں پر بھی اپوزیشن کے کسی بھی کارکن پر تشدد نہیں کروایا بلکہ حکومت نے تو ملک میں قانون کی عملداری کو یقینی بنانے کی کوشش کی ہے اور حکومت کاکام بھی یہی ہوتا ہے کہ وہ قانون پر عمل درآمد کو یقینی بنائے اور کسی کو قانون ہاتھ میں نہ لینے دے اگر اپوزیشن بضد ہے کہ اس نے جلسے جلوس منعقد کرکے کورونا پھیلانا ہے تو اپوزیشن کو ایسا کرنے سے روکنا اور عوام کی زندگیوں کو محفوظ بنانا بھی حکومت کی ذمے داری ہے۔وہ ایشو آف دی ڈے میں اظہار خیال کررہے تھے،انہوں نے کہا کہ ایک بات اپوزیشن اچھی طرح سے سمجھ لے کہ وہ جتنے مرضی جلسے جلوس کر لے حکومت کہیں نہیں جارہی اور نہ ہی حکومت ان کو کوئی این آر او دے گی لہٰذا یہ جلسے جلوس کرکے اپنا وقت اور پیسہ ضائع کرنے کی بجائے پارلیمنٹ آکر بات کریں۔
صداقت عباسی