گوگل پیڈ ایپس بند ہونے کا خطرہ ٹل گیا،وزارت خزانہ نے ادائیگی کیلئے رضا مندی ظاہر کر دی

گوگل پیڈ ایپس بند ہونے کا خطرہ ٹل گیا،وزارت خزانہ نے ادائیگی کیلئے رضا مندی ...
 گوگل پیڈ ایپس بند ہونے کا خطرہ ٹل گیا،وزارت خزانہ نے ادائیگی کیلئے رضا مندی ظاہر کر دی

  

اسلام آباد (ڈیلی پاکستان ان لائن) وزارت خزانہ نے وزیر برائے انفارمیشن ٹیکنالوجی امین الحق کی تجویز مانتے ہوئے گوگل کو ادائیگی پر رضامندی ظاہر کر دی ہے ، جس کے بعد  گوگل  کی پیڈ ایپس بند ہونے کا  خطرہ ٹل گیا ہے۔

نجی ٹی وی چینل "جیو نیوز "کے مطابق وفاقی وزیر برائے آئی ٹی و ٹیلی کمیونیکیشن امین الحق سے وزیراعظم کے معاون خصوصی برائے خزانہ طارق باجوہ نے رابطہ کیا اور گوگل کو ادائیگیوں کے حوالے سے تبادلہ خیال کیا ہے، امین الحق کا اس حوالے سے کہنا ہے کہ ادائیگیاں شیڈول کے مطابق کی جاسکیں گی اور پاکستان میں پیڈ گوگل ایپس بند نہیں ہوں گی۔

 رپورٹ کے مطابق  وفاقی وزیر کا کہنا تھا کہ سٹیٹ بینک کو ہدایت کر دی ہےکہ ایک ماہ تک پالیسی پر عملدرآمد مؤخر کر دیں، ٹیلی کام آپریٹرز کو ادائیگیوں کے طریقہ کار پر عملدرآمد کے لیے ایک ماہ کا وقت دیدیا گیا ہے،انہوں نے مزید کہا کہ ایک ماہ میں وزارت آئی ٹی اور وزارت خزانہ، اسٹیٹ بینک کی مشاورت سے لائحہ عمل بنائیں گے۔

امین الحق نے کہا کہ ٹیلی کام آپریٹرز نے وزارت آئی ٹی سے معاملے پر معاونت کی اپیل کی تھی جس پر وزیر خزانہ اسحاق ڈار کو ادائیگیاں کرنے اور ٹائم فریم دینے کے لیے مراسلہ لکھا تھا، بروقت فیصلے پر وزیر خزانہ اور وزیراعظم کے معاون خصوصی طارق باجوہ کے مشکور ہیں

مزید :

اہم خبریں -سائنس اور ٹیکنالوجی -