راؤ انوار سے متعلق صرف آصف زرداری جانتے ہیں ، مشاہد اللہ

راؤ انوار سے متعلق صرف آصف زرداری جانتے ہیں ، مشاہد اللہ

کراچی(آن لائن ) مسلم لیگ ن کے سینئر رہنما سینیٹر مشاہد اللہ خان نے کہا ہے کہ راؤانوار کہا ں ہے یہ صرف آصف زرداری کو پتہ ہے ۔ایم کیو ایم کو کراچی کامجرم سمجھتے ہیں ،پیپلزپارٹی کو پنجاب میں ایک سیٹ نہیں ملے گی۔کراچی میں میڈیا سے گفتگو کرتے ہوئے مشاہد اللہ خان نے کہا کہ نواز شریف عدل کی بحالی کے لیے تحریک چلا رہے ہیں،کل مسلم لیگ ن کے صدر کراچی آئیں گے،گرین لائن منصوبے کا وہ کل 2 بجے دورہ بھی کریں گے،2013 سے اب تک پی ایم ایل این نے تاریخی کام کیا ہے ،بجلی کے بے پناہ کارخانے لگائے گئے ہیں،کے فور منصوبے پر کام نواز شریف نے ہی شروع کرایا ہے، موٹرویز پر کام بھی وفاق کا ہی کارنامہ ہے،شہر کے لوگوں کو محصور کرلیا گیا تھا، شہر کا امن برباد کردیا گیا تھا ،ہر چوتھے دن ہڑتال کے نام پر معیشت بند ہوتی تھی،کوئی مسجد کوئی امام بارگاہ شہر قائد میں نہیں بچی تھی ،انہوں نے کہا کہ ساڑھے تیرا ہزار میگا واٹ بجلی ان چار سالوں میں پیدا کی ہے،کے پی کے میں ایک بھی میگا پراجیکٹ شروع نہیں ہوا ،اگر ایک دفعہ عوام نے کراچی میں نواز شریف کو ووٹ دیا تو لاہور بہت پیچھے رہ جائے گا ،جو لوگ کرپشن اور قتل کرتے ہیں ان سے حساب کتاب نہین ہوتا،مشاہد اللہ خان کا کہنا تھا کہ نواز شریف آتا ہے تو رینجرز امن بحال کر دیتی ہے ،راؤ انوار کے بارے میں کسی کو معلوم ہے تو وہ آصف زرداری ہیں،پیر پگارا سے ہم رابطے میں ہے ،کل گیارہ بجے کے بعد نواز شریف لینڈ کریں گے، شہر کو گندگی کا ڈھیر کس نے بنایا ہے؟انہوں نے آصف زرداری کو مخاطب کر کے کہا کہ آصف زرداری یہ سندھ تمہارے ہاتھ سے نکل رہا ہے ،کل پورا دن نواز شریف کراچی والوں کے ساتھ ہوں گے ،،بلوچستان کے عوام بکاؤ مال نہیں ہیں،حکومتیں تو الٹتی رہتی ہیں،پیسہ چلانے کا مطلب ہے کہ آپ نے سیاست میں ہتھیار ڈال دیئے ہیں،ووٹ اسے ملے گا جس نے پاکستان کی خدمت کی ہے ،ہم ایم کیو ایم کو کراچی کامجرم سمجھتے ہیں ۔

مزید : صفحہ آخر