میاں نواز شریف دو روزہ دورے پر(آج) کراچی پہنچیں گے

میاں نواز شریف دو روزہ دورے پر(آج) کراچی پہنچیں گے

کراچی (اسٹاف رپورٹر)پاکستان مسلم لیگ (ن) کے سربراہ اور سابق وزیراعظم میاں محمد نواز شریف دو روزہ دورے پرآج (جمعرات) کراچی پہنچیں گے ۔تفصیلات کے مطابق سابق وزیر اعظم میاں نواز شریف یکم فروری کو صبح دس بجے اولڈ ٹرمینل کراچی پہنچیں گے ۔سابق وزیر اعظم نے نواز لیگ سندھ کا اجلاس مقامی ہوٹل میں طلب کرلیا ہے ۔اجلاس میں عام انتخابات سے قبل نواز لیگ کو سندھ میں منظم کرنے کے حوالے سے مشاورت کی جائے گی ۔سابق وزیر اعظم سے اتحادی جماعت مسلم لیگ (فنکشنل) کا وفد بھی ملاقات کرے گا ۔نواز شریف رات کو کراچی کے تاجروں سے ملاقات کریں گے ۔سابق وزیر اعظم 2 فروی کو نجی ہوٹل میں جمہوریت کا مستقبل کے حوالے سے سیمینار میں شرکت کریں گے ۔سابق وزیر اعظم سے دو بجے سپریم کورٹ بار کے سابق صدر یاسین آزاد کی قیادت میں سینئر وکلا کا وفد ملاقات کرے گا ۔سابق وزیراعظم کراچی میں گرین لائن بس منصوبے کا بھی جائزہ لیں گے ۔سابق وزیر اعظم دو فروری شام 6 بجے واپس اسلام آباد روانہ ہو جائیں گے ۔

مزید : کراچی صفحہ اول