پاکستانی دولہا دلہن نے اپنی شادی کے تیسرے ہی دن وہ کام کرڈالا جس کا شادی شدہ جوڑے پوری زندگی خواب دیکھتے رہتے ہیں

پاکستانی دولہا دلہن نے اپنی شادی کے تیسرے ہی دن وہ کام کرڈالا جس کا شادی شدہ ...
پاکستانی دولہا دلہن نے اپنی شادی کے تیسرے ہی دن وہ کام کرڈالا جس کا شادی شدہ جوڑے پوری زندگی خواب دیکھتے رہتے ہیں

روزنامہ پاکستان کی اینڈرائیڈ موبائل ایپ ڈاؤن لوڈ کرنے کے لیے یہاں کلک کریں۔

کراچی (مانیٹرنگ ڈیسک) شادی کے بعد ہنی مون کے لئے کسی تفریحی مقام پر جانا ہر جوڑے کا خواب ہوتا ہے۔ اکثر لوگ اس کے لئے بڑے شہروں کے مشہور مقامات کر رخ کرتے ہیں لیکن اس پاکستانی جوڑے کی مہم جوئی کا شوق دیکھئے کہ کوہ پیمائی کے لئے نکل کھڑے ہوئے ہیں، اور وہ بھی شادی کے تیسرے ہی دن۔

ویب سائٹ Parhlo کے مطابق نئی زندگی کا آغاز کرتے ہی اس جوڑے نے اپنے سفری بیگ کندھوں پر لٹکائے اور پاکستان کے شمالی علاقے کے بلند و بالا برف سے ڈھکے پہاڑوں کی جانب نکل چکے ہیں۔ ان کی پہلی منزل جنت نظیر وادی ہنزہ تھی جہاں سے یہ آگے مزید دشوار گزار مگر انتہائی خوبصورت پہاڑوں کا رخ کریں گے۔

نیا نویلا دولہا شامخ ابرار ویڈیو گرافی میں بھی مہارت رکھتا ہے اور یہی تو وجہ ہے کہ اس مہم جوئی کے دوران بنائی گئی ان کی تصاویر ایسی خوبصورت ہیں کہ جنہیں دیکھنے والے دیکھتے ہی رہ جاتے ہیں۔ انہوں نے اپنے بلاگ پر اس مہم جوئی کے ہر لمحے کی تصاویر پوسٹ کی ہیں جنہیں ہزاروں سوشل میڈیا صارفین دیکھ اور پسند کر رہے ہیں۔ بہت سے لوگوں کا کہنا ہے کہ اس جوڑے نے انہیں بھی ہنی مون کا نیا آئیڈیا دے دیا ہے جسے وہ ضرور آزمانا چاہیں گے۔

مزید : ڈیلی بائیٹس /علاقائی /سندھ /کراچی