کرونا وائرس ، محکمہ صحت پنجاب نے چینی باشندوں کے ساتھ کیا کام کرنا شروع کر دیا
لاہور (ڈیلی پاکستان آن لائن )چین میں تیز کے ساتھ پھیلتے ہوئے کرونا وائرس کے خدشا ت کے پیش نظر محکمہ صحت پنجاب کی جانب سے لاہور میں مقیم چینی باشندوں کا طبی معائنہ جاری ہے ، محکمہ صحت پنجاب نے چینی باشندوں کے کوائف جمع کر لی ہے ہیں ۔
تفصیلات کے مطابق محکمہ صحت کی جانب سے چینی باشندوں کے سفر کا ریکارڈ بھی مرتب کرنا شروع کر دیا گیاہے ، محکمے کی ٹیموں نے لاہور میں مقیم چینی باشندوں کی رہائشگاہوں کا بھی دورہ کیا ، شہر میں مقیم چینی باشندے صحت مند ہیں ۔محکمہ صحت کا کہناتھا کہ شہر میں مقیم چینی باشندوں کے نزلہ ، زکام اور بخا ر سمیت دیگر ٹیسٹ کیے گئے ہیں ۔
سی ای او ہیلتھ اتھارٹی ڈاکٹر شعیب کرمانی نے بیان جاری کرتے ہوئے کہا کہ ایئر پورٹ پر مستقبل کاﺅنٹر بنا دئیے گئے ہیں ، چینی باشندوں کے ساتھ تعینات عملے کی سکریننگ کا عمل بھی جاری ہے ، دو ہفتے قبل پاکستان آنے والے چینی باشندوں کی چوبیس گھنٹے نگرانی کی جارہی ہے ۔
