نیا سال، قومی کرکٹ ٹیم کا شاندار آغاز

پاکستان کرکٹ ٹیم نے نئے سال کا آغاز بہترین پرفارمنس سے کرکے شائقین کے دل جیت لئے 14 سال پاکستان آنے والی جنوبی افریقن ٹیم کیخلاف پہلے ٹیسٹ میچ میں کامیابی قومی ٹیم کی یادگار جیت ہے جسے فراموش نہیں کیا جاسکتاایک مضبوط حریف کے خلاف جس اعتماد کے ساتھ پاکستان نے کھیل پیش کیا اور خاص طور پر بطو رکپتان پہلی مرتبہ کپتانی کے فرائض سر انجام دینے والے بابر اعظم نے جس بہترین انداز سے کپتانی کی وہ قابل تعریف ہے امید ہے کہ دوسرا ٹیسٹ بھی پاکستان اپنے نام کرنے میں کامیاب ہوجائیگا نئے سال کی پہلی کامیابی پر شائقین کرکٹ بہت خوش ہیں پاکستان میں انٹرنیشنل کرکٹ کی واپسی ہوچکی ہے اور اس سال انگلینڈ سمیت دیگر کرکٹ ٹیمیں بھی پاکستان کا دورہ کریں گی جو پاکستان کرکٹ بورڈ کا ایک بہت بڑا کارنامہ ہے یہ ہدف آسان نہیں تھا مگر جس جانفشانی کے ساتھ اس کو سر انجام دیا گیا وہ قابل تعریف ہے پاکستان نے پہلے ٹیسٹ میچ میں بہت عمدہ پرفارمنس دی اور خاص طور باؤلرز نے میچ میں کامیابی کے لئے اپنا بھرپور کردار ادا کیا سپنر نعمان علی نے اپنے پہلے ہی میچ کو اپنی عمد ہ پرفارمنس سے یادگار بنادیا بلاشبہ پاکستان میں کرکٹ کا بے پناہ ٹیلنٹ ہے پاکستان کرکٹ ٹیم نے جنوبی افریقہ سے ٹیسٹ سیریز کے بعد ٹی ٹونٹی سیریز میں حصہ لینا ہے اور امید ہے کہ دوسرے ٹیسٹ میچ میں کامیابی کے بعد ٹیم ٹی20 سیریز بھی اپنے نام کرنے میں کامیاب ہوگی اور یہ سال پاکستان کرکٹ ٹیم کی کامیابیوں کا سال ثابت ہوگا اور ٹیم اسی طرح سے محنت سے آگے بڑھے گی دوسری جانب پاکستان سپر لیگ کی بات کی جائے تو اس کا انعقاد بھی قریب ہے اور مقررہ وقت میں چھٹے پی ایس ایل کا انعقاد بھی پی سی بی کی بڑی کامیابی ہے  ایونٹ کی تیاریاں جو ش و خروش کے ساتھ جاری ہیں ماضی کی طرح یہ ایونٹ بھی تاریخی و کامیاب ثابت ہوگا ایونٹ میں غیر ملکی کھلاڑیوں کی ایک بہت  بڑی تعداد میدان میں نظر آئے گی اور یہ اس بات کا واضح ثبوت ہے کہ پاکستان کھیلوں کے لئے پرامن ملک ہے اور اس مرتبہ سارے میچز پاکستان میں ہورہے ہیں یہ بھی پوری قوم کی بڑی کامیابی ہے امید ہے کہ پاکستان میں کرکٹ کی سر گرمیوں کا یہ سلسلہ اب مستقبل میں بھی کامیابی کے ساتھ جاری رہے گا۔