سب کو فکر ہے کہ عمران خان کو کیسے مائنس کرنا ہے: پرویز الہٰی
لاہور(ڈیلی پاکستان آن لائن)سابق وزیر اعلیٰ پنجاب چوہدری پرویز الہٰی نے کہا ہے کہ وفاق ہو یا نگراں سیٹ اپ، سب کو فکر ہے کہ عمران خان کو کیسے مائنس کرنا ہے۔
لاہور میں چوہدری پرویز الہٰی نے سابق مشیر وسیم خان بادوزئی سے ملاقات کی جس میں ملکی سیاسی صورتحال اور امن وامان کے امورپر تبادلہ خیال کیا گیا۔اس موقع پر پرویز الہٰی نے کہا کہ حکومت کی ترجیح امن و امان کا قیام نہیں، صرف سیاسی انتقام ہے۔ ایک طرف دہشت گرد حملے کررہے ہیں، دوسری طرف سیاسی مخالفین کو قید کیا جا رہا ہے۔انہوں نے مزید کہا کہ انتقام کا ایجنڈا رکھنے والے سن لیں عمران خان کا راستہ نہیں روکا جاسکتا، حکمران چاہیں تو الیکشن میں مقابلہ کرلیں۔
