دہشتگردوں سے کب تک ڈریں گے،پتہ نہیں ہم کس معاشرے میں رہ رہے ہیں ؟جسٹس قاضی فائز عیسیٰ کے پشاور خودکش حملے کے حوالے سے اہم ریمارکس
اسلام آباد(ڈیلی پاکستان آن لائن)سپریم کورٹ کے سینئر جج جسٹس قاضی فائزعیسیٰ نے کیس کی سماعت کے دوران پشاور خودکش حملے کے حوالے سے اہم ریمارکس دیتے ہوئے کہاہے کہ دہشتگردوں سے کب تک ڈریں گے؟پتہ نہیں ہم کس معاشرے میں رہ رہے ہیں ۔
نجی ٹی وی چینل ایکسپریس نیوز کے مطابق سپریم کورٹ میں ایک کیس کی سماعت کے دوران پشاور خودکش حملے کے حوالے سے جسٹس قاضی فائز عیسیٰ کے اہم ریمارکس دیتے ہوئے کہاکہ دہشتگردوں سے کب تک ڈریں گے؟کہا جاتا ہے دہشتگردوں کو یہ دو وہ دو،کبھی کہا جاتا ہے دہشتگردوں سے مذکرات کرو ،اس دوران ریاست کہاں ہے؟
جسٹس قاضی فائز عیسیٰ نے کہاکہ دہشتگردوں سے مذکرات کیوں جارہے ہیں؟آج دہشتگرد2 بندے ماریں گے کل کو 5 مار دیں گے ،پتہ نہیں ہم کس معاشرے میں رہ رہے ہیں ۔
جسٹس قاضی فائزعیسیٰ نے کہاکہ ایک جج نے دہشتگردی کے واقعے پر رپورٹ دی اس کو ردی کی ٹوکری میں پھینک دیا،ہمارے ایک جج کو مار دیا گیا کسی کو پرواہ ہی نہیں ۔
