قونصل جنرل خالد مجید نے پاکستان انوسٹرز فورم سعودی عرب کی آفیشل ویب سائٹ کا افتتاح کر دیا
جدہ (محمد اکرم اسد) قونصل جنرل پاکستان خالد مجید نے کہا ہے کہ پاکستانی سرمایہ کاروں کی یہ فورم قومی خدمت کر رہا ہے، ضرورت اس بات کی ہے کہ اسکو وسعت دی جائے اور سارے پاکستانی سرمایہ کار اس پلیٹ فارم کے ذرئیے آگے بڑھیں اور اپنی کامیابیوں کو بھی اس ویب سائٹ میں لائیں کیونکہ یہ سوشل میڈیا کا دور ہے اور ایک جامع اور واضح ویب سائٹ آ گے نتائج دے سکتی ہیں جہاں وزٹرز کو مکمل معلومات اور کامیابیوں کے نتائج ہوں ۔
ان خیالات کا اظہار یہاں انہوں نے پاکستان انوسٹرز فورم سعودی عرب کی آفیشل ویب سائٹ کی رسم افتتاح کی تقریب سے خطاب کرتے ہوئے کیا۔ اس سے پہلے قونصل جنرل نے فورم کے عہدیداروں اور ٹریڈ اینڈ انوسمنٹ قونصلر سعدیہ خان اور دیگر کی تالیوں کی گونج میں فورم کی ویب سائٹ کا بٹن دبا کر افتتاح کیا ۔تقریب میں سعودی و پاکستانی انوسٹرز، بزنس مین، کمیونٹی کی معززشخصیات اورمیڈیا نمائندگان کی بڑی تعداد نے شرکت کی۔
قونصل جنرل خالد مجید نے اپنےخطاب میں ویب سائٹ کے اجراء پر اپنی خوشی کا اظہار کرتے ہوئے انوسٹرز فورم کے صدر چودھری شفقت محمود اور تمام ممبران کو مبارک باد دی۔ انھوں نے تجویز پیش کی کہ جس طرح قونصلیٹ نے اپنی وہب سائٹ کو عربی، اردو اور انگریزی زبانوں میں دستیاب کیا ہے ،اسی طرح انوسٹرز فورم بھی کم از کم عربی اور انگلش زبانوں میں وہب سائٹ کو دستیاب کرے تومقامی سطح پرکاروباری حضرات بہت مستفیض ہوسکیں گے۔ اسی طرح فورم ممبران کی تعداد میں اضافہ کرے تاکہ آپ کی آواز کو اچھی طرح سے سنا جاسکے۔ انھوں نے انوسٹرز فورم کو یقین دہانی عائدہ کرتے ہوئے کہا کہ کہ جس طرح قونصلیٹ کا تعاون ان کوحاصل تھا وہ جاری رہے گا۔
سعدیہ خان نے اپنے خطاب میں کہا کہ فروری 2025 کے پہلے ہفتہ “ میڈان پاکستان ” نمائش جدہ میں منعقد کر رہا ہے کا اسکی کامیاب بنانے تمام فورسز اور کمیونٹی اپنا کردار ادا کرے تا کہ وہ ایک کامیاب نمائش ثابت ہو اورجو کاروباری حضرات پاکستان سے سعودی عرب تشریف لا رہے ہیں انھیں کاروبار کے بہترین مواقع ملیں اور جب وہ یہاں سے جائیں تو خوش جائیں۔ معروف بزنس مین ذوالقرنین علی خان نے بھی تقریب سے خطاب کیا اور اپنے علم و تجربہ سے پاکستانی انوسٹرز کی رہنمائی فرمائی۔ قبل ازیں تلاوت قرانِ پاک کے بعد پاکستان اور سعودی عرب کے ترانہ ہوئے۔
نائب صدر انوسٹرز فورم فضل میمن نے مہمانوں کو خوش آمدید کہتے ہوئے کہا کہ یہ فورم ہم سب کا ہے اور اسکی کامیابی کے سب کام کریں۔ انہوں نے کہا کہ یہاں طب سمیت بہت سے ایسے شعبے ہیں جا میں سرمایہ جاری ہو سکتی ہے، انجینئر سید جعفر نے ویب سائٹ کا تعارف پیش کیا۔ صدر فورم چودھری شفقت محمود نے کہا کہ ہم مسلسل کامیابی کی طرف بڑھ رہے ہیں۔ انھوں نے کہا ہمارے ممبران محنتی اور قومی و ملی جذبہ سے سرشار ہیں۔ جیسے انجنئیر محمد نواز ہیں انھوں نے صرف 26 والنٹیئر کو لیکر حجاج کرام کی مدد کا بیڑا اٹھایا تھا 2014 میں اور آج ان کی تعداد تین ہزار سے زائد ہوگئی ہے۔ انہوں نے کہا کہ سرمایہ کاروں کے لئے یہاں بہت مواقع موجود ہیں جن سے فائدہ اٹھایا جا سکتا ہے۔ آخر میں انھوں اپنے تمام ممبران اور مہمانوں کا شکریہ ادا کیا ۔ تقریب کا اختتام پُرتکلف عشائیہ سے ہوا.
