خوفناک مناظر سے بھرپور فلم اینجل آف ڈیتھ کا نیا ٹریلر ریلیز کردیا گیا

خوفناک مناظر سے بھرپور فلم اینجل آف ڈیتھ کا نیا ٹریلر ریلیز کردیا گیا

  

نیو یارک (این این آئی) دہشت اور خوفناک مناظر سے بھرپور فلم دی وومن ان بلیک کے سیکوئل اینجل آف ڈیتھ کا نیاٹریلر جاری کردیا گیا ہے۔ٹام ہارپر کی ہدایت کاری میں بننے والی اس فلم کی کہانی ایک نرسری میں زیر تعلیم بچوں کے گرد گھومتی ہے جنہیں دوسری جنگ عظیم کے دوران ان کے ٹیچرز بمباری کی وجہ سے کئی عرصے سے ویران پڑی ایک حویلی میں منتقل کردیتے ہیں۔فلم میں اپنی اداکاری کے جلوے دکھانے والوں میں ہیلن مک کروری،جیریمی ایروائن،ایڈرین رالنس،لیان بیسٹ،اورجوڈ رائٹ سییت دیگر شامل ہیں۔

واضح رہے کہ اس سلسلے کی پہلی فلم وومن ان بلیک برطانیہ کی 20سالہ تاریخ کا سب سے زیادہ بزنس سمیٹنے میں کامیاب ہوئی تھی۔ٹوبن آرم برسٹ کی پروڈکشن میں تیار ہونے والی یہ فلم 2جنوری 2015کو سینماء گھروں میں نمائش کیلئے پیش کی جائیگی۔

مزید :

کلچر -