بالی ووڈ کے معروف ترین اداکار قادر خان انتقال کر گئے

بالی ووڈ کے معروف ترین اداکار قادر خان انتقال کر گئے
بالی ووڈ کے معروف ترین اداکار قادر خان انتقال کر گئے

  

ممبئی (ڈیلی پاکستان آن لائن )بالی ووڈ کے معروف اور لیجنڈ اداکار قادر خان 81 بر س کی عمر میں طویل علالت کے بعد انتقال کر گئے ہیں ۔

تفصیلات کے مطابق قادر خان کی وفات کی گزشتہ روز خبر آ تھی جس کی اہل خانہ کی جانب سے تردید کر دی گئی تھی تاہم آج صبح بھارتی میڈیا نے ایک مرتبہ پھر سے خبر جاری کی ہے کہ وہ انتقال کر گئے ہیں ۔

بھارتی ” این ڈی ٹی وی “ کی جانب سے دعویٰ کیا گیا ہے کہ قادر خان طویل علالت کے بعد 81 برس کی عمر میں انتقال کر گئے ہیں ۔بھارتی میڈیا رپورٹس کے مطابق بالی ووڈ میں زیادہ تر مزاحیہ اداکاری سے مداحوں کو محظوظ کرنے والے اداکار قادر علی خان گزشتہ کافی دن سے ہسپتال میں زیرعلاج ہیں۔ گزشتہ روزسے ہندو انتہا پسندوں نے قادرخان کی موت کی خبریں پھیلادی تھیں جس کے بعد ان کے بیٹے سرفراز نے والد کی موت کی خبروں کو جھوٹا قرار دیتے ہوئے کہا کہ وہ ہسپتال میں زیر علاج ہیں اور ڈاکٹرو ں کے مطابق ان کی حالت پہلے سے بہترہے تاہم ایک مرتبہ پھر سے ان کے انتقال کی خبر آ گئی ہے ۔

قادر خان گزشتہ کئی برس سے اپنے بیٹے کے ساتھ کینیڈا میں رہائش پزیرہیں، قادرخان نے بیماری کے باعث بات چیت کرنا بند کردی ہے جب کہ گزشتہ ہفتے انہیں شدید علالت کے باعث وینٹی لیٹر پرمنتقل کردیا گیا تھا۔واضح رہے کہ 81 سالہ اداکار قادر خان نے اپنے 43 سالہ بالی ووڈ کیریئر میں 300 فلموں میں کام کیا ہے اور250 فلموں میں مکالمے لکھے ہیں۔ انہوں نے مزاحیہ اداکاری کے ساتھ منفی کردار بھی بخوبی نبھائے ہیں۔

مزید :

قومی -