یوٹیلیٹی سٹورز پر ریلیف پیکیج تیار، اشیائے ضروریہ پر 20فیصد تک ریاعت ملے گی 

      یوٹیلیٹی سٹورز پر ریلیف پیکیج تیار، اشیائے ضروریہ پر 20فیصد تک ریاعت ملے ...

  



اسلام آباد(آن لائن) یوٹیلیٹی سٹور ز کارپوریشن نے وزیر اعظم ریلیف پیکیج کو حتمی شکل دیدی ہے،جنوری کے پہلے ہفتے میں ملک بھر میں قائم سٹوروں پر عوام کو بنیادی اشیائے ضروریہ پر 10سے 20فیصد تک رعایت ملے گی، کارپوریشن نے ملک بھر میں قائم 4ہزار سے زائد سٹوروں کو کمپیوٹرائزڈ کرنے کی بھی منظوری دیدی ہے،کمپیوٹرائزڈ سسٹم سے سٹوروں میں اشیائے خورد و نوش کی بروقت فراہمی اور صارفین کو درپیش مشکلات میں کمی واقع ہوگی۔یوٹیلیٹی سٹورز کارپوریشن کے ترجمان کے مطابق کارپوریشن کے بورڈ آف ڈائریکٹرز کا اجلاس بورڈ کے چیئرمین ذوالقرنین علی خان کی صدارت میں منعقد کیا گیا۔ اجلاس میں بورڈ کے تمام ممبران نے شرکت کی اجلاس میں کارپوریشن کے منیجنگ ڈائریکٹر عمر لودھی نے سٹوروں میں کمپیوٹرائزڈ  نظام (ای آر پی) کی انتہائی ضرورت کے بارے میں بورڈ کو تفصیلی بریفنگ دیتے ہوئے بتایا کہ اس سسٹم کی تعیناتی سے ملک کے عام شہری  کو معیاری اشیاء خوردونوش کی فراہمی میں انقلابی بہتری آئیگی اس سسٹم سے ڈیٹا کے معیار، رپورٹنگ، بہتر سپلائی چین، کسٹمرسروس کو بہتر بنانے، پیچیدگیاں اور ریگولیٹری تعمیل کو کم کیا جائے گا بعد ازاں  جنرل منیجر (IT) نے ERPپروجیکٹ پلان پیش کیا اور بتایا کہ اس ERP اور ریٹیل سسٹم کی تعیناتی سے کارپوریشن کے تمام بنیادی کاروباری عمل  بشمول سپلائی چین منیجمنٹ، پروکیورمنٹ منیجمنٹ، ویئر ھاوس منیجمنٹ، فنانشل منیجمنٹ، ہیومن ریسورس منیجمنٹ، پے رول، ریٹیل اور پواینٹس آف سیلزخود کار ہوجائینگے  اجلاس میں ملک بھر کے سٹوروں میں ERPسسٹم کو لگانے کی منظوری دے دی گئی اجلاس میں وزیر اعظم پاکستان ریلیف پیکیج کے بارے میں بھی غور کیا گیا اور پپیکیج کیلئے انتظامات کا جائزہ لیا گیا بورڈ کو بتایا گیا کہ وزیر اعظم ریلیف پیکیج کیلئے تمام تر انتظامات مکمل ہیں اور جنوری کے پہلے ہفتے میں ملک بھر کے سٹوروں پر عوام کو بنیادی اشیائے ضروریہ جس میں آٹا،چینی،گھی تیل،چاول اور دالیں شامل ہیں پر 10 فیصد سے 20فیصد تک رعایت دی جائے گی کارپوریشن کے ذرائع کے مطابق وزیر اعظم پاکستان عمران خان وزیر اعظم ریلیف پیکیج کا افتتاح کریں گے۔؎ اس سے قبل وزیراعظم عمران خان نے یوٹیلیٹی سٹورز کارپوریشن کو 6 ارب روپے مالیت کے ریلیف پیکیج کی منظوری دے دی ہے۔ جس کا افتتاح وزیراعظم عمران خان خود کریں گے جبکہ ریلیف پیکیج پر 7 جنوری سے عملدرآمد کا فیصلہ کیا گیا ہے۔ یہ بھی بتایا گیا ہے کہ وفاقی حکومت منظور کیے گئے ریلیف پیکیج سے یوٹیلیٹی سٹورز پر گھی، چینی، چاول سمیت مختلف اشیاء پر سبسڈی فراہم کرے گا۔ ریلیف پیکیج کا اطلاق تین ماہ کے لئے ہو گا۔ پیکیج کی کامیابی کی صورت میں مزید توسیع کی جائے گی۔ پیکیج پر کام شروع کر دیا گیا ہے

مزید : صفحہ آخر


loading...