وفاقی حکومت کا آئی جی خیبرپختونخواکو فوری تبدیل کرنے کا فیصلہ

وفاقی حکومت کا آئی جی خیبرپختونخواکو فوری تبدیل کرنے کا فیصلہ

  



اسلام آباد (مانیٹرنگ ڈیسک)وفاقی حکومت نے آئی جی خیبر پختونخوا ڈاکٹر نعیم کو فوری طور پر تبدیل کرنے کا فیصلہ کر لیا۔اس حوالے سے ذرائع نے دعویٰ کیا ہے کہ وزیر اعظم خیبر پختونخوا پولیس کی کارکردگی سے مطمئن نہیں اسی لیے انہیں ہٹانے کا فیصلہ کیا گیا ہے۔ذرائع کا کہنا ہے کہ آئی جی کے پی کے ڈاکٹر نعیم کو ہٹا کر او ایس ڈی بنایا جا سکتا ہے جبکہ اسٹیبلشمنٹ ڈویڑن نے نئے آئی جی خیبر پختون خوا کے لیے 3 نام وزیراعظم آفس کو بھجوا دیے ہیں۔ذرائع نے بتایا ہے کہ ان 3 ناموں میں سینئر پولیس افسران محمد طاہر، ثناء اللّٰہ عباسی اور محمد سلیمان کے نام شامل ہیں۔ذرائع کا مزید کہنا ہے کہ ان تینوں میں سے ایک نام کی منظوری کے بعد سمری اسٹیبلشمنٹ ڈویڑن کو واپس بھجوائی جائے گی، وزیراعظم عمران خان کی منظوری کے بعد اسٹیبلشمنٹ ڈویڑن نئے آئی جی کا نوٹیفیکیشن جاری کرے گا۔

آئی جی کے پی

مزید : صفحہ اول