آصف زرداری سے ملاقات، "باپ" کے کئی رہنما پارٹی چھوڑ کر پیپلزپارٹی میں شامل ہوگئے
کراچی (ویب ڈیسک) بلوچستان عوامی پارٹی (باپ) کے کئی رہنماؤں نے سابق صدر آصف زرداری سے ملاقات کی اور پیپلز پارٹی میں شمولیت کا اعلان کیا۔
پی پی اعلامیے کے مطابق آصف زرداری سے اراکین بلوچستان اسمبلی نے ملاقات کی اور ملاقات میں بلوچستان سے تعلق رکھنے والے ظہوربلیدی، سلیم کھوسہ، عارف محمد حسنی، حاجی ملک شاہ گورگیج، اصغررند، میرفائق جمالی، آغا شکیل درانی اور میر ولی محمد سمیت مختلف رہنماؤں نے پیپلز پارٹی میں شمولیت کا بھی اعلان کیا۔
کراچی: پاکستان پیپلزپارٹی پارلیمنٹرینز کے صدر آصف علی زرداری بلوچستان عوامی پارٹی کے رہنماؤں سے ملاقات کررہے ہیں، ملاقات کے بعد متعدد باپ پارٹی کے اراکین نے پی پی پی میں شمولیت اختیار کی۔@AAliZardari pic.twitter.com/nGfjCuYyYx
— PPP (@MediaCellPPP) December 31, 2022
اس موقع پر آصف زرداری کا کہنا تھا کہ پاکستان پیپلز پارٹی ہمیشہ سے بلوچستان کی آواز رہی ہے، بلوچستان کیلئے بہت کچھ کیا ہے لیکن اب بھی بہت کرنا باقی ہے۔ان کا کہنا تھا کہ بلوچستان بی بی شہید کے سب سے قریب تھا۔
