عمران فاروق قتل کیس ،پراسیکیوٹر کی عدم تقرری پر عدالت کا اظہار برہمی

عمران فاروق قتل کیس ،پراسیکیوٹر کی عدم تقرری پر عدالت کا اظہار برہمی

اسلام آباد (این این آئی)انسداد دہشت گردی عدالت اسلام آباد کے جج کوثر عباس زیدی نے ایم کیو ایم کے رہنما ڈاکٹر عمران فاروق قتل کیس کی سماعت کی عدالت نے تاحال ایف آئی اے پراسیکیوٹر تعینات نہ ہونے پر برہمی کا اظہار کیا ۔ جج نے ایف آئی اے سے استفسار کیا کہ کیا ایف آئی اے نے اس کیس میں پراسیکیوٹر مقرر کر دیا ہے ، ایف آئی اے نے کہاکہ پراسیکیوٹر چوبیس گھنٹے میں مقرر ہو جائے گا ۔ ملزم محسن علی کے وکیل ذیشان چیمہ نے عدالتی دائرہ اختیار کے خلاف درخواست پر سماعت کرتے ہوئے ذاتی عناد اور دشمنی کی بناء پر قتل دہشتگردی کے زمرے میں نہیں آتا ۔ قتل میں آتشیں اسلحہ استعمال نہیں ہوا ، نہ لوگوں میں خوف و ہراس سے عدم تحفظ کا احساس پیدا ہوا ، استغاثہ کا کیس ہی یہ ہے کہ عمران فاروق الطاف حسین کے لیے خطرہ بن چکا تھا ، عدالت نے تینوں ملزمان کے جوڈیشل ریمانڈ میں توسیع کرتے ہوئے سماعت 14 جولائی تک ملتوی کردی ۔

مزید : کراچی صفحہ اول