وزیر اعظم نے بہاولپور کیلئے برن سینٹر کے قیام کا اعلان تک نہیں کیا ، یہاں لوگوں کی حالت افریقی عوام سے بدتر ہے:مولانا سراج الحق

وزیر اعظم نے بہاولپور کیلئے برن سینٹر کے قیام کا اعلان تک نہیں کیا ، یہاں ...
وزیر اعظم نے بہاولپور کیلئے برن سینٹر کے قیام کا اعلان تک نہیں کیا ، یہاں لوگوں کی حالت افریقی عوام سے بدتر ہے:مولانا سراج الحق

  



بہاولپور (ڈیلی پاکستان آن لائن ) امیر جماعت اسلامی مولانا سراج الحق نے کہا ہے کہ بہاولپور میں برن سینٹر ہوتا تو آئل ٹینکر حادثے میں جھلنسے والوں کی جانیں بچائی جا سکتی تھیں، پنجاب میں 9بر ن سینٹر ہیں جبکہ ضلع بہاولپور میں ایک بھی برن سینٹر نہیں ۔ کیا بہاولپور کے عوام پاکستان کے شہری نہیں ؟ اتنے بڑے سانحے کے بعد وزیر اعظم اور وزیر اعلیٰ نے بہاولپور کیلئے برن سینٹر کے قیام کا اعلان نہیں کیا ۔

بہاولپور کی علاقے احمد پور شرقیہ میں آئل ٹینکر حادثہ میں جاں بحق افراد کے لواحقین سے اظہار تعزیت کے بعد میڈیا سے گفتگو کرتے ہوئے انہو ں نے کہا کہ موجودہ حکومت نے بہاولپور میں برن سینٹر بننے نہیں دیا ۔ حکومت بڑے بڑے نعروں کے باوجود عوام کی حالت تبدیل نہیں کرپائی ۔بہاولپور میں غربت کی ذمہ داربھی حکومت ہے ۔ انتظامیہ صورت حال کنٹرول کر تی تو ہلاکتیں کم ہو سکتی تھیں۔

انہوں نے کہا کہ حکمرانوں کے دل پتھر اور لوہے کے بنے ہیں جنہوں نے اپنی سات نسلوں کیلئے اتنے اثاثے اور جائیدادیں بنا لی ہیں کہ انہیں کوئی پرواہ نہیں ۔ہم سانحہ بہاولپور سے متاثرہ افراد کیلئے سینیٹ ، قومی اسمبلی اور صوبائی اسمبلیوں میں آواز اٹھائیں گے ، ڈاکٹروں اور امدادی اداروں نے لوگوں کو بچانے کی کوشش کی مگر انتظامیہ کہیں نظر نہیں آئی ۔بہاولپور کے عوام کی حالت افریقی عوام سے بھی بدتر ہے۔

مولانا سراج الحق نے کہا کہ آج بھی کئی افراد لاپتہ ہیں جن کا اہل خانہ کو کچھ پتہ نہیں ، کچھ لوگوں کے گھوڑے بھی ایئر کنڈیشن ہالز میں مزے کرتے ہیں ۔

مزید : بہاول پور


loading...