پاکستانی ٹرک ڈرائیور نے دبئی پولیس کو بھی پاکستانی پولیس سمجھ لیا، ایسی حرکت کہ پڑھ کر آپ بھی ہنس پڑیں گے

پاکستانی ٹرک ڈرائیور نے دبئی پولیس کو بھی پاکستانی پولیس سمجھ لیا، ایسی حرکت ...
پاکستانی ٹرک ڈرائیور نے دبئی پولیس کو بھی پاکستانی پولیس سمجھ لیا، ایسی حرکت کہ پڑھ کر آپ بھی ہنس پڑیں گے

  



دبئی(مانیٹرنگ ڈیسک) ہمارے ہاں پولیس سے جس کا بھی واسطہ پڑا ہے وہ ’’چائے پانی‘‘ کے محاورے سے بخوبی واقف ہو گا۔ رشوت خوری ہمارے معاشرے کی رگوں میں  اس طرح رچ بس گئی ہے کہ جہاں رشوت لینے والے اسے اپنا حق سمجھنے لگ گئے ہیں وہیں رشوت دینے والوں نے بھی اسے اپنا فرض تسلیم کر لیا ہے اور تن من دھن سے اس فرض کی ادائیگی کر رہے ہیں، رشوت لینے والا ابھی ہچکچا رہا ہوتا ہے جبکہ رشوت دینے والا اسے اکسا رہا ہوتا ہے کہ ’’رکھ لو جی! ’’چائے پانی‘‘ ہے۔‘‘پاکستانی یہیں نہیں، کسی اور ملک میں بھی جائیں تو اس غلط کاری سے باز نہیں آتے، شاید وہ نہیں جانتے کہ وہ پاکستان چھوڑنے کے ساتھ ہی پاکستان کے قوانین بھی یہیں رہ  جاتے ہیں۔ ایسا ہی دبئی میں اس پاکستانی کے ساتھ ہوا۔

33سالہ پاکستانی ڈرائیور اپنے پک اپ ٹرک میں سامان لادے جا رہا تھا کہ چیک پوائنٹ پرکسٹم ٹیکس سے بچنے کے لیے کسٹم اہلکار کو 50درہم بطور ’’چائے پانی‘‘ پیش کر دیئے۔ لیکن اس اہلکار نے رشوت کی رقم کے ساتھ ساتھ اس پاکستانی کو بھی پکڑ لیا اور اپنے سپروائزر کے پاس لیجا کر سارا واقعہ سنا دیا جس پر اسے پولیس کے حوالے کر دیا گیا۔ عدالت نے جرم ثابت ہوجانے پر اس شخص کو 3ماہ قید کی سزا سنا دی ہے اور قید کی سزا بھگتنے کے بعد اسے ملک بدر کر دیا جائے گا۔

مزید : ڈیلی بائیٹس


loading...