ڈاکٹرفاروق ستار انتخابات میں حصہ لیں گے ،فیصل سبزواری

ڈاکٹرفاروق ستار انتخابات میں حصہ لیں گے ،فیصل سبزواری

کراچی (اسٹاف رپورٹر)ایم کیو ایم پاکستان نے فاروق ستار کی عام انتخابات سے دستبردار ہونے کی درخواست مسترد کردی ہے۔ہفتے کو بہادرآباد میں عامر خان ، فاروق ستار کے ہمراہ میڈیاسے گفتگو کرتے ہوئے فیصل سبزواری نے کہا کہ نام نہیں جماعت کے نام اور نشان کو ووٹ ملے گا۔انہوں نے کہا کہ فاروق بھائی الیکشن نہیں لڑنا چاہتے تھے، ہم نے فاروق ستار کی الیکشن نہ لڑنے کی درخواست مسترد کی ، فاروق ستار نے بھی رابطہ کمیٹی کا فیصلہ قبول کر لیا ہے اور وہ عام انتخابات میں حصہ لیں گے۔انہوں نے کہا کہ ایم کیو ایم کے ایک ایک کارکن کو ہم اون کرتے ہیں، ہمیں علم ہے کہ دشمنوں کے لیے 22 اگست چاند رات اور 5 فروری عید کے دن تھے جبکہ اسامہ قادری کی والدہ کو ٹکٹ دیا گیا تھا وہ ایم کیو ایم کا بڑا نام ہیں تاہم ہر حلقے میں ایم کیوایم کے مخالفین بھی موجود ہیں۔اس موقع پر صحافی کی جانب سے ایک سوال کیا گیا کہ آپ نے مصطفی کمال کے خلاف کمزور امیدوار کیوں کھڑا کیا؟جس کے جواب میں ایم کیو ایم پاکستان کے رہنما عامر خان کا کہنا تھا کہ جتنا بڑا مصطفی کمال کا قد ہے اتنا ہی بڑا امیدوار کھڑا کیا ہے جبکہ فارو ق ستار نے برجستہ جواب میں کہا کہ یہ کہہ کر آپ نے ہمارے امیدوار کا قد بھی تھوڑا چھوٹا کردیا ہے۔

مزید : راولپنڈی صفحہ آخر

لائیو ٹی وی نشریات دیکھنے کے لیے ویب سائٹ پر ”لائیو ٹی وی “ کے آپشن یا یہاں کلک کریں۔


loading...