جس کا ڈر تھا وہ کام ہو گیا ، فیصل آباد میں ن لیگ اور پی ٹی آئی کارکنان کے درمیان لڑائی ،فائرنگ اور پھر۔۔۔

جس کا ڈر تھا وہ کام ہو گیا ، فیصل آباد میں ن لیگ اور پی ٹی آئی کارکنان کے ...
جس کا ڈر تھا وہ کام ہو گیا ، فیصل آباد میں ن لیگ اور پی ٹی آئی کارکنان کے درمیان لڑائی ،فائرنگ اور پھر۔۔۔

روزنامہ پاکستان کی اینڈرائیڈ موبائل ایپ ڈاؤن لوڈ کرنے کے لیے یہاں کلک کریں۔

فیصل آباد(ڈیلی پاکستان آن لائن ) تھانہ ساندل بار کے علاقے میں تحریک انصاف اور (ن) لیگ کے کارکنوں میں تصادم کے درمیان فائرنگ سے 5 افراد زخمی ہوگئے۔

نجی ٹی وی ایکسپریس نیوز کے مطابق فیصل آباد میں قومی اسمبلی کے حلقہ این اے 106 میں تحریک انصاف اور (ن) لیگ کے کارکنوں میں انتخابی بینرز لگانے کے معاملے پر جھگڑا ہوگیا۔ دونوں پارٹیوں کے کارکنوں میں گالم گلوچ کے بعد فائرنگ ہوگئی جس کے نتیجے میں متعدد افراد زخمی ہوگئے۔پولیس ذرائع کا کہنا ہے کہ دونوں پارٹیوں کے درمیان تصادم کے نتیجے میں 5 کارکن زخمی ہوئے جنہیں طبی امداد کے لیے ڈی ایچ کیو اسپتال منتقل کر دیا گیا ہے۔ زخمیوں میں 3 لیگی اور 2 تحریک انصاف کے کارکن شامل ہیں۔

مزید : علاقائی /پنجاب /فیصل آباد