کورونا وبا کے سبب لڑکیاں خاص طور پرخطرات کا شکار ہیں، اقوام متحدہ

نیویارک(این این آئی)اقوام متحدہ نے کم عمری کی شادیوں اور لڑکیوں کے ختنے کرنے جیسے معاملات کیخلاف کوششیں بڑھانے کی ضرورت پر زور دیا ہے۔ غیرملکی خبررساں ادارے کے مطابق نئی ورلڈ پاپولیشن رپورٹ میں بتایا گیا کہ 2030ء تک ان کے مکمل خاتمے کے ہدف کیلئے سالانہ 3.4 بلین ڈالرز خرچ کیے جانے کی ضرورت ہے۔ اقوام متحدہ کے ورلڈ پاپولیشن فنڈ کی سربراہ نتالیا کینم کے مطابق کورونا وبا کے سبب لڑکیاں خاص طور پرخطرات کا شکار ہیں کیونکہ ایسے میں ان کی تعلیم کا سلسلہ جاری رکھنا مشکل ہو رہا ہے۔ انہوں نے لڑکیوں کی کم عمری کی شادی کی بجائے کم از کم گریجوایشن تک تعلیم کو مکمل کرنے میں مدد دینے کیلئے پروگراموں کے فروغ کی بھی وکالت کی ہے۔
اقوام متحدہ