حکومت اسٹیمپ ڈیوٹی سی وی ٹی کم کرے گی
رئیل اسٹیٹ ایجنٹس نے کہا ہےFBR دھونس کے ذریعے ٹیکس لینا چاہتی ہے، درست عمل نہیں ہے۔ دوستانہ ماحول بنایا جائے، تمام ٹیکس یکجا کر کے فیکس ٹیکس لگا دیا جائے۔ ٹیکس نیٹ کو آسان اور شفاف بنایا جائے۔ رئیل اسٹیٹ سیکٹرز سب سے زیادہ ریونیو دینے والا شعبہ ہے۔ وفاقی بجٹ میں حکومت اس تاثر کو زائل کر سکتی ہے کہ میاں برادران کے دور میں پراپرٹی کا کاروبار بہتر نہیں ہوتا۔ رہنماؤں نے کہا ہے پانچ سے دس طرح کے ٹیکس وصول کئے جا رہے ہیں۔ ون ونڈ اگر کر دیا جائے، سی وی ٹی اور اسٹمپ ڈیوٹی کم کر دی جائے تو ریونیو بڑھنے کی گارنٹی دیتے ہیں۔ وفاقی بجٹ میں حکومت کو مشکل فیصلے کرنا ہوں گے، ملکی معیشت کے لئے بہتر ثابت ہوں گے۔