یہ خبر پڑھنے کے بعد آپ اے ٹی ایم سے پیسے نکلواتے وقت ضرور ہنسیں گے

یہ خبر پڑھنے کے بعد آپ اے ٹی ایم سے پیسے نکلواتے وقت ضرور ہنسیں گے
 یہ خبر پڑھنے کے بعد آپ اے ٹی ایم سے پیسے نکلواتے وقت ضرور ہنسیں گے

  


نیویارک (نیوز ڈیسک)آپ یقینا اس بات سے اتفاق کریں گے کہ جب اے ٹی ایم مشین میں سے چرخیوں کے گھومنے جیسی آواز آتی ہے تو ہمارا دل خوشی سے باغ باغ ہو جاتا ہے کیونکہ یہ اس بات کا اشارہ ہوتا ہے کہ رقم باہر آنے کو ہے۔

لیکن کیا آپ اس بات پر یقین کریں گے کہ یہ آواز مکمل طور پر مصنوعی ہوتی ہے جو مشین میں نصب ایک سپیکر سے نکلتی ہے اور یہ کہ مشین کے اندر کوئی ایسی چیز نہیں گھوم رہی ہوتی کہ جس سے یہ آواز پیدا ہو۔

بینک کی معمولی غلطی نے غریب آدمی کو کروڑ پتی بنا دیا

ویب سائٹ Humans Inventکے اس انکشاف کے بعد بھی اکثر لوگوں کو اپنے سالوں پرانے خیال کو بدلنا مشکل محسوس ہوا ۔ان کا کہنا تھا کہ وہ ہمیشہ سے یہی سمجھتے رہے ہیں کہ مشین کی چر خیاں اور پھرکیاں گھوم گھوم کران کی رقم باہر لا رہی ہیں۔

ان لوگوں کو مائل کرنے کے لیے کچھ مزید دلچشپ مثالیں بھی دی گئی ہیں ۔مثلاً

آپکے موبائل فون کے کیمرے کو استعمال کرنے سے کلک کی آواز آتی ہے ۔اب بھلا اس میں کونسے مکینکل آلات ہوتے ہیں۔

لوگوں کو قدرتی گیس کی موجودگی سے خبردار کرنے کے لیے اس میں ناگوار بو شامل کی جاتی ہے ۔

بہت کم آواز والے انجنوں سے راہ گیروں کو خبردار کرنے کے لیے انجن کی مصنوعی آواز استعمال کی جاتی ہے ۔

اے ٹی ایم کی مصنوعی آواز کا انکشاف اتنا حیرت انگیز ہے کہ بعض ملازمین جو ان مشینوں پر کام کرتے ہیں انہیں بھی یقین نہیں آ رہا۔

مزید : ڈیلی بائیٹس