سری لنکا کے فاسٹ باؤلر شمندا ایرنگا کا باؤلنگ ایکشن مشکوک قرار

سری لنکا کے فاسٹ باؤلر شمندا ایرنگا کا باؤلنگ ایکشن مشکوک قرار

دبئی(آن لائن) گیند بازی کرتے آپ کا بازو قانون کے دائرے میں نہیں گھومتا ، آئی سی سی نے سری لنکا کے فاسٹ باؤلر شمندا ایرنگا کا باؤلنگ ایکشن مشکوک قرار دے دیا۔انگلینڈ کیخلاف ٹیسٹ سیریز میں سری لنکا کی مشکلات کم ہونے کا نام ہی نہیں لے رہیں۔ فاسٹ باؤلر دھمیکا پرساد اوردشمانتھا چمیرا زخمی ہو کر سیریز سے باہر ہو چکے۔سری لنکن ٹیم تین میچوں کی سیریز پہلے ہی دو صفر سے ہار چکی ہے اور اب چیسٹرلی سٹریٹ کے دوسرے ٹیسٹ میں آئی سی سی آفیشلز نے تیز گیند باز شمندا ایرنگا کا ایکشن مشکوک قرار دے دیا ہے۔قوانین کے مطابق شمندا ایرنگا کو 14 روز کے اندر باؤلنگ ٹیسٹ کرانا ہو گا۔ تاہم اس دوران شمندا ایرنگا کو انٹرنیشنل مقابلوں میں باؤلنگ کرنے کی اجازت ہو گی۔

مزید : کھیل اور کھلاڑی