ایران سے واپس آنیوالی زائرین کی بس میں آگ لگ گئی،5 افراد جھلس کر زخمی

تربت(ڈیلی پاکستان آن لائن)ایران سے واپس آنیوالی زائرین کی بس میں ایرانی بارڈر کے قریب آگ لگ گئی جس سے 5 افراد جھلس کر زخمی ہوگئے۔

تفصیلات کے مطابق جس بس میں آگ لگی وہ زائرین کی تھی جو زیارت کی غرض سے ایران گئے ہوئے تھے اور ان کا تعلق بھکر سے بتایا جاتا ہے۔

لیویز ذرائع کے مطابق ضلع بھکر سے تعلق رکھنے والے افراد کی بس کو ضلع تربت میں آگ لگ گئی جس کے بعد ریسکیوٹیمیں موقع پر پہنچ گئیں اور جھلسنے والے 5 افراد کو تربت کے ڈسٹرکٹ ہسپتال منتقل کردیا گیا جبکہ آگ لگنے کے نتیجے میں بس مکمل طور پر جل گئی۔اطلاعات کے مطابق بس میں خواتین اور بچوں سمیت 72 افراد سوار تھے جن کا تعلق بھکر سے بتایا گیا۔

’خواتین کو شریف اور نرم مزاج مرد پسند نہیں آتے کیونکہ۔۔۔‘ جدید تحقیق میں سائنسدانوں نے ایسا حیران کن انکشاف کردیا کہ جان کر ہر مرد کا منہ کھلا کا کھلا رہ جائے,خبر پرھنے کیلئے کلک کریں