چیمپئنز ٹرافی میں جدید ٹیکنالوجی کے استعمال کا فیصلہ

چیمپئنز ٹرافی میں جدید ٹیکنالوجی کے استعمال کا فیصلہ
چیمپئنز ٹرافی میں جدید ٹیکنالوجی کے استعمال کا فیصلہ

  

لندن (ڈیلی پاکستان آن لائن ) آئی سی سی چیمپیئنز ٹرافی کا میلاآج سے برطانیہ میں شروع ہو رہا ہے جس کی مناسبت سے کھیل کی عالمی گورننگ باڈی نے کرکٹ کو جدت بخشنے کیلئے مزید نئی ٹیکنالوجی متعارف کرانے کا فیصلہ کیا ہے۔

آئی سی سی نے نئی ٹیکنالوجی ز متعارف کرانے کیلئے دنیا کی صف اول کی کمپنی انٹیل کے ساتھ اشتراک کیا ہے جس کی بدولت ڈرون انفرا ریڈ کیمروں کی مدد سے وکٹ کے اندر موجود نمی، گھاس کی کثافت، ٹرن سمیت تمام تر احوال بتایا جا سکے گا۔

مزید خبریں پڑھیں، آئی سی سی چیمپئنز ٹرافی کا آغاز ، پہلا میچ کن ٹیموں کے درمیان کھیلا جائے گا ؟جاننے کیلئے اس لنک پر کلک کریں

اس کے ساتھ ساتھ کھلاڑیوں کے بلوں کے ہینڈل کے ساتھ سینسر لگائے جائیں گے جس کی بدولت پتہ لگایا جا سکے گا کہ وہ اپنے بلے کا کس طرح اور کیسے استعمال کر رہا ہے۔ چیمپیئنز ٹرافی میں شرکت کرنے والی ہر ٹیم کے کم از کم 6 کھلاڑیوں نے ایونٹ کے دوران بیٹ سینسرز کے استعمال پر آمادگی ظاہر کی ہے جس کی بدولت بیٹ کی سپیڈ، کھلاڑی کی قوت سمیت دیگر چیزوں کا بلو ٹوتھ کی مدد سے مشاہدہ کیا جا سکے گا۔اس کے ساتھ ساتھ شائقین کی تفریح کا خیال رکھتے ہوئے انٹیل کے تعاون سے آئی سی سی ایونٹ میں پہلی مرتبہ گراونڈ میں موجود تمام شائقین کو مفت انٹرنیٹ سروس فراہم کی جائے گی۔

مزید :

کھیل -