سعودی دارالحکومت ریاض کے نجی سکول میں ٹیچر کی فائرنگ،2 افراد شہید،1 زخمی
ریاض(ڈیلی پاکستان آن لائن) سعودی دارالحکومت ریاض کے نجی سکول میں ٹیچر کی فائرنگ سے 2 افرادشہید جبکہ ایک زخمی ہوگیا۔
ترک میڈیا کے مطابق ایک مسلح شخص کی جانب سے ریاض کے نجی سکول کو نشانہ بنایا گیا اور فائرنگ کی گئی جس کے نتیجے میں 2 افراد موقع پر ہی دم توڑ گئے جبکہ 1 شدیدزخمی ہوگیا ،پولیس نے موقع پر پہنچ کر مسلح شخص کو گرفتار کرلیا ہے۔
پولیس کے مطابق حملہ کرنےوالا شخص ٹیچر ہے اور عراقی شہری ہے جبکہ دوسری طرف امریکی سفارتخانے کی طرف سے اپنے شہریوں کو ہدایت جاری کی گئی ہے کہ وہ اس علاقے میں جانے سے گریز کریں۔نجی سکول کنگڈم سکول کے سی ای او طلال المعمان کے مطابق ملزم سکول ٹیچر تھا اور انتظامیہ سے ناراض تھا جس کی وجہ سے اس نے یہ انتہائی قدم اٹھایا۔
