بد ترین لوڈ شیڈنگ ، فلٹر بند ہونے سے لوگ پینے کے صاف پانی سے محروم
لاہور)کامرس رپورٹر( ملک میں گزشتہ روز بھی بدترین لوڈ شیڈنگ کا سلسلہ جاری رہا ۔ وقفہ وقفہ سے بار بار ہونے والی لوڈ شیڈنگ اور پانی کی عدم دستیابی نے روزہ داروں کو بے حا ل کر دیا ۔صوبائی دارالحکومت میں لیسکو کی جانب سے غیر اعلانیہ لو ڈشیڈنگ نے شہریوں کا جینا دوبھر کر دیا ہے ۔ باربار ہونے والی لوڈ شیڈنگ کے باعث صاف پانی کے فلٹر بھی بند رہے جس کے باعث لوگ صاف پانی سے بھی محروم رہے ۔ حکومت کے سحرو افطار سمیت تراویح کے وقت لوڈ شیڈنگ نہ کئے جانے کا دعوی دعوی ہی رہا ۔ تینوں اوقات میں لوڈ شیڈنگ کا سلسلہ جاری رہا ۔ جس سے روزہ داروں کو شدید تکلیف ہوئی ۔ روزہ داروں کو مساجد میں وضو کیلئے بھی پانی میسر نہ ہو سکا ۔ بار بار ہونے والی لوڈ شیڈنگ کے باعث معمولات زندگی بھی متاثر ہوئے ۔ بیشتر شہروں میں ہر گھنٹے کے بعد ایک گھنٹے کی لوڈ شیڈنگ کی گئی جبکہ دیہی علاقوں میں ایک گھنٹے کے بعد دو گھنٹے کی بھی لوڈ شیڈنگ ہوئی ۔ بار بار لوگوں شیڈنگ کے باعث لوگ رات کو دو گھنٹے بھی سکون سے نہ سو سکے اور دن کو بھی روزہ داروں کو سکون نہ مل سکا ۔
