تصاویر وائرل لیکن نوازشریف دراصل کیوں گھر سے باہر گئے تھے؟ مریم نواز پھر بول پڑیں

تصاویر وائرل لیکن نوازشریف دراصل کیوں گھر سے باہر گئے تھے؟ مریم نواز پھر بول ...
تصاویر وائرل لیکن نوازشریف دراصل کیوں گھر سے باہر گئے تھے؟ مریم نواز پھر بول پڑیں

  

لاہور (ڈیلی پاکستان آن لائن ) سابق وزیراعظم نواز شریف کی صاحبزادی مریم نواز نے حکومت کو شدید تنقید کا نشانہ بناتے ہوئے کہا ہے کہ نااہل حکومت غفلت کی مرتکب ہو رہی ہے، حکومت کو وبا سے نمٹنے کی بجائے نواز شریف کی فکر لاحق ہے۔مائیکروو بلاگنگ ویب سائٹ ٹوئٹر پر پیغام دیتے ہوئے ان کا کہنا تھا کہ میاں نواز شریف ڈاکٹروں کی ہدایت پر واک کے لیے گھر سے باہر گئے۔ حکومت کارکردگی سے جان چھڑانے کیلئے ان پر تنقید کر رہی ہے۔ان کا کہنا تھا کہ حکومت کی ترجیحات عوام کی خدمت نہیں کچھ اور ہے۔ عوام کی خدمت کریں یا کسی اور کو کرنے دیں۔

خیال رہے کہ حکومت پنجاب کی جانب سے لاہور میں سمارٹ سیمپلنگ کے ذریعے کورونا کی علامات کے حامل 6 لاکھ 70 ہزار 8 سو کیسز کا محتاط اندازہ لگایا گیا ہے۔محکمہ صحت کی جانب سے 15 مئی کو وزیراعلیٰ عثمان بزدار کو ارسال کی گئی سمری منظر عام پر آ گئی ہے جس میں انکشاف کیا گیا ہے کہ لاہور میں سمارٹ سیمپلنگ کے دوران ٹیسٹوں میں 6 فیصد کا رزلٹ پازیٹو رہا۔

He walks because of strict advice from his doctots but you talk to cause distraction from the ongoing & impending disasters. Pls get down to work if you know how it is done, get help if you don’t. A classic & incorrigible case of highly misplaced priorities. https://t.co/avYR5LPUWK

— Maryam Nawaz Sharif (@MaryamNSharif) June 1, 2020

یہاں یہ امر بھی قابل ذکر ہے کہ کچھ دن قبل نوازشریف کی ایک تصویر وائرل ہوئی تھی جو لاک ڈائون کے بعدممکنہ طورپر پہلی تصویر ہے ، اس پر حکومت میں شامل لوگوں نے بھی انہیں تنقید کا نشانہ بنایا تھا جبکہ وزیر سائنس وٹیکنالوجی فوادچودھری نے وزیراعظم سے نوازشریف کے پاکستان میں ہونیوالے ٹیسٹوں کی تحقیقات کا بھی مطالبہ کیا۔

مزید :

قومی -