مسلم لیگ(ق)اقلیتی برادری کے حقوق دلائیگی،طارق حسن

مسلم لیگ(ق)اقلیتی برادری کے حقوق دلائیگی،طارق حسن

  

کراچی(اسٹاف رپورٹر)پاکستان مسلم لیگ(ق)سندھ کے صدر محمد طارق حسن نے کہا ہے کہ مسلم لیگ پاکستان کی خالق جماعت ہے اور اب پاکستان کی تعمیر کیلئے چوہدری شجاعت کی قیادت میں جدوجہد کررہی ہے اسی وجہ سے مسلم لیگ(ق)میں دوسری جماعتوں کے افراد جوق در جوق شمولیت کررہے ہیں مسلم لیگ(ق)اقلیتی برادری کے حقوق دلائیگی۔ان خیالات کا اظہار انہوں نے آ ل پاکستان مسلم لیگ کراچی ڈویژن منارٹی ونگ کے عہدیداران ولایت مسیح، ریاض سوہنا،اشرف مٹو،بوٹا مسیح،عامر رمضان نے اپنے دیگر ساتھیوں کے ہمراہ مسلم لیگ(ق)میں شامل ہونے والوں سے کیا۔ اس موقع پرمسلم لیگ (ق)سندھ کے ایڈیشنل جنرل سکرٹری معیزالحسن،انفارمیشن سیکرٹری محمد صادق شیخ، جوائنٹ سیکرٹری نیاز شیخ، کراچی آرگنائزنگ کمیٹی کے رکن محمد جمیل احمد خان،یوتھ ونگ سندھ کے صدر عبدالرحمان خانزادہ،جنرل سکرٹری سلطان بھٹی، اسپورٹس ونگ سندھ کے صدر سید مشرف علی،مظہر شاہ،کامران فاروقی،احمد علی بلوچ اور دیگر بھی موجود ہیں اس موقع پر  مسلم لیگ(ق)سندھ کے انفارمیشن سیکرٹری محمد صادق شیخ نے کہاکہ آل پاکستان منارٹی ونگ کے عہدیدران کی مسلم لیگ(ق)میں شمولیت خوش آئند ہے اورنئے آنے والوں کوخوش آمدید کہتے ہیں  نئے ساتھیوں کی شمولیت سے مسلم لیگ مزید مضبوط ہوگی۔

مزید :

پشاورصفحہ آخر -