شوہر سے دوسری شادی کا بدلہ لینے کیلیے بیوی نے اپنی بیٹی کو قتل کرڈالا

شوہر سے دوسری شادی کا بدلہ لینے کیلیے بیوی نے اپنی بیٹی کو قتل کرڈالا
شوہر سے دوسری شادی کا بدلہ لینے کیلیے بیوی نے اپنی بیٹی کو قتل کرڈالا

  

کراچی (ویب ڈیسک) سعید آباد میں ماں نے بیٹی کو زہریلی دوا پلا کر قتل کر دیا جبکہ پولیس نے خاتون کو گرفتار کرلیا، شاکر حسین نے مزید بتایا کہ گرفتار خاتون تین بچوں کی ماں ہے جس میں متوفیہ مریم بڑی تھی تاہم پولیس ملزمہ صبا کے شوہر کو تلاش کر رہی ہے تاکہ اس سے بھی مزید معلومات حاصل کرتے ہوئے مقدمہ بھی اسی کی مدعیت میں درج کیا جائے ۔ پولیس نے متوفیہ مریم کی لاش ضابطے کی کارروائی کے بعد سرد خانے میں رکھوا دی ہے۔

سعید آباد پولیس نے کمسن بیٹی کو زہر دیکر قتل کرنے کے دلخراش واقعے میں ملوث ماں کو گرفتار کرلیا۔ اس حوالے سے ایس ایچ او سعید آباد شاکر حسین نے بتایا کہ بلدیہ سیکٹر 8 میں رہائش پذیر صبا نامی خاتون کے گھر سے اس کی بیٹی 8 سالہ مریم کی لاش ملی تھی جس کی اطلاع پر پولیس موقع پر پہنچی تو خاتون نے بتایا کہ اس نے اپنی بیٹی کو چوہے مار دوا پلائی تھی جس کے باعث وہ ہلاک ہوگئی۔

پولیس نے خاتون کے اس بیان پر اسے گرفتار کرلیا اور مزید معلومات حاصل کی گئی تو اس نے پولیس کو بتایا کہ اس کے شوہر طالب حسین نے مجھے طلاق دے کر دوسری شادی کرلی تھی اور وہ گزشتہ 8 ماہ سے گھر کا خرچہ نہیں دے رہا تھا لہذا غربت اور اس مہنگائی کے دور میں وہ اپنے بچوں کو دو وقت کی روٹی  کہاں سے کھلاتی جس پر اس نے شوہر کو سبق سیکھانے کے لیے اپنی بیٹی مریم کو چوہے مار دوا پلائی تھی۔

مزید :

علاقائی -سندھ -کراچی -