ویانا میں پاکستانی سفارت خانہ کے سفیرآفتاب احمد کھوکھر کی ماہانہ ای کچہری میٹنگ،نئے اقدامات پر تبادلہ خیال
ویانا(اکرم باجوہ) ویانا میں پاکستان کے سفارت خانہ نے آسٹریا اور سلوواکیہ میں مقیم پاکستانی کمیونٹی کے ساتھ اپنی رسائی اور بات چیت کو مضبوط بنانے کے لیے اپنی ماہانہ ای کچہری میٹنگ کا انعقاد کیا۔ یہ ملاقات کمیونٹی کے لیے سفارت خانے کے ساتھ مشغول ہونے اور مختلف حکومتی اقدامات پر تبادلہ خیال کرنے کا ایک موقع تھا۔زوم میٹنگ کی ملاقات کے دوران سفیر آفتاب کھوکھر نے شرکاء کو خوش آمدید کہا اور انہیں حکومت پاکستان کی جانب سے شروع کیے گئے مختلف اقدامات کے بارے میں آگاہ کیا۔
پاکستانی کمیونٹی ممبران نے ای کچہری کے انعقاد پر سفیر آفتاب احمد کھوکھر کا شکریہ ادا کیا اور انہیں اپن مسائل سے آگاہ کیا ۔سفیر نے کمیونٹی ممبران کو درپیش مسائل کو حل کرنے اور متعلقہ حکام کے ساتھ معاملات اٹھانے کے لیے سفارت خانے کے مکمل تعاون کا یقین دلایا۔ای کچہری کےآخر میں سفیر آفتاب احمد کھوکھر نے کمیونٹی کی شرکت پر شکریہ ادا کیا اور کمیونٹی کے تمام اراکین کے لیے بہتر خدمات فراہم کرنے اور کھلے اور مؤثر مواصلاتی ذرائع کو برقرار رکھنے کے لیے سفارت خانے کے غیر متزلزل عزم پر زور دیا۔
