ارجن کپور  نے ملائیکہ اروڑا کے حمل سے متعلق خبروں پر اپنی خاموشی توڑدی

ممبئی(ڈیلی پاکستان آن لائن) بالی وڈ اداکار ارجن کپور  نے ملائیکہ اروڑا کے حمل سے متعلق خبروں پر اپنی خاموشی توڑدی ہے۔ نومبر 2022 سے سوشل میڈیا پر وقفے وقفے سے یہ خبر گردش میں  ہے کہ ملائیکہ اروڑا، ارجن کپور کے بچے کی ماں بننے والی ہیں۔ارجن کپور نے اس خبر پر کبھی زبان نہیں کھولی لیکن اب انہوں نے اپنی زبان کھول دی اور کہا کہ کسی کے متعلق منفی چیزیں کہنا آسان ہے اور اسے لوگوں کی توجہ بھی ملتی ہے۔میں اور ملائیکہ دونوں اداکار ہیں، ہماری پروفیشنل اور پرائیوٹ زندگی میں فرق ہے اور میڈیا کو اس کا خیال رکھنا چاہیے۔

ارجن نے مزید کہا کہ اداکار انسان ہوتے ہیں اور اگر ان کے متعلق میڈیا کچھ لکھتا ہے تو کم از کم  تصدیق ضرور کرالینی چاہیے۔