اگر آپ بھی ہر وقت ہیڈ فونز لگا کر گانے سنتے رہتے ہیں تو یہ تشویشناک خبر آپ کے لیے ہے

اگر آپ بھی ہر وقت ہیڈ فونز لگا کر گانے سنتے رہتے ہیں تو یہ تشویشناک خبر آپ کے ...
اگر آپ بھی ہر وقت ہیڈ فونز لگا کر گانے سنتے رہتے ہیں تو یہ تشویشناک خبر آپ کے لیے ہے

  

لندن(نیوزڈیسک)میوزک سننا آج کل ہر انسان کی عادت بنتا جا رہا ہے لیکن کچھ لوگ ہر وقت اپنے کانوں کو ہیڈ فونز لگا کر رکھتے ہیں جو ایک بری عادت ہے۔ اس سے نہ صرف ہم اپنے گردونواح سے بے خبر ہوجاتے ہیں بلکہ یہ ہمارے کانوں کے لئے بھی انتہائی نقصان دہ ہے۔ماہرین صحت کا کہنا ہے کہ ایک گھنٹے سے زائد ہیڈ فونز میں اونچی آواز سے گانے سننے سے بہرا ہونے کا خطرہ بڑھ جاتا ہے۔ان کا یہ بھی کہنا ہے کہ والیم صرف 60فیصد تک بلند کیا جائے اور ایسے کنسرٹس سے اجتناب کیا جائے جہاں اونچی آواز میں میوزک لگایا جاتا ہے۔

مردانہ کمزوری کی بنیادی وجہ سامنے آگئی

ورلڈ ہیلتھ آرگنائزیشن کا کہنا ہے کہ دنیا بھر میں 1.1ارب لوگوں کو سننے کے مسائل کا سامنا ہے۔عالمی ادارہ کا یہ بھی کہنا ہے کہ یہ بات انتہائی ضروری ہے دوران فلائیٹ ایسے ہیڈ فونز دینے سے اجتناب کیا جائے جو سماعت کے لئے انتہائی خطرناک ہوسکتے ہیں۔یورپی یونین نے اس سلسلے میں تمام کمپنیوں کو پابند کرنا شروع کردیا ہے کہ وہ صارفین کو اس خطرے سے آگاہ کریں کہ اونچی آواز میں میوزک سننے سے ان کی قوت سماعت شدید حد تک متاثر ہوسکتی ہے۔ماہرین سماعت کا کہنا ہے کہ اونچی آواز سے کان میں موجود چھوٹے چھوٹے سیل شدید متاثر ہوتے ہیں اور ان کی دوبارہ افزائس بھی بری طرح متاثر ہونے سے انسان کے بہرہ ہونے کا خطرہ بڑھ جاتا ہے۔انہوں نے تمام ایسے لوگوں کو متنبہ کیا ہے جو اونچی آواز میں میوزک سنتے ہیں کہ اس عادت سے چھٹکارہ حاصل کر لیں ورنہ ان کی سماعت ہمیشہ کے لئے بھی متاثر ہوسکتی ہے۔

مزید :

تعلیم و صحت -