حکومت کا کالعدم تنظیموں کے کارندوں کی شہریت منسوخ کرنیکا فیصلہ

حکومت کا کالعدم تنظیموں کے کارندوں کی شہریت منسوخ کرنیکا فیصلہ

اسلام آباد (خصو صی رپورٹ) حکومت کا کالعدم تنظیموں کے کارندوں کی شہریت منسوخ کرنے کا فیصلہ اور فورتھ شیڈول میں شامل افراد کی موبائل سمز اور بینک اکاؤنٹس منجمد کئے جائیں گے۔وزیر داخلہ چودھری نثار کی زیر صدارت اعلیٰ سطح کا اجلاس ہوا۔ جس میں وزارت داخلہ کے تمام ذیلی اداروں کے سربراہان نے شرکت کی۔ اجلاس میں فیصلہ کیا گیا کہ کالعدم تنظمیوں سے تعلق رکھنے والے کارندوں کی شہری سہولیات ختم کی جائیں گی اور فورتھ شیڈول میں شامل افراد کی موبائل سمز اور بینک اکاؤنٹس منجمد کئے جائیں گے۔ اجلاس میں تعلیمی اداروں، میڈیا ہاؤسز کی سیکیورٹی کیلئے کئے گئے اقدامات پر بریفنگ دی گئی۔ وزیر داخلہ نے اس موقع پر کہا عام شہریوں کی زندگیوں کو محفوظ بنانے کیلئے سیکیورٹی کے ہر ممکن اقدام کریں گے اور کسی بھی سطح پر ملک کا نام بدنام کرنے والوں کو کیفر کردار تک پہنچائیں گے۔ وزیر داخلہ نے حالیہ صورتحال سے نمٹنے کیلئے جڑواں شہروں کی پولیس اور ضلعی انتظامیہ کو انتظامات کی ہدایت کی

مزید : صفحہ اول